އދ. ދަނގެތީ ބަނދަރު ތަރައްޤީކޮށް ފުޅާކުރުމުގެ މަޝްރޫޢުގެ ދަށުން، ބަނދަރު ތޮށިގަނޑު (ކުއޭ ވޯލް) ޖެހުމަށް ބޭނުންވާ ބްލޮކްތަކުގެ 6 ވަނަ ޝިޕްމަންޓް މިއަދު އެ ރަށު ޕްރޮޖެކްޓް ސައިޓަށް ގެންގޮސްފައިވާ ކަމަށް އެމްޓީސީސީއިން ބުނެފިއެވެ.
މި މަޝްރޫޢަކީ ރާއްޖޭގެ އެކި ރަށްރަށުގައި ލަފާފުރުމުގެ ދަތިކަން ހައްލުކޮށް، އިޤްތިޞާދީ އަދި އިޖުތިމާޢީ ތަރައްޤީއަށް މަގުފަހިކޮށްދިނުމުގެ ގޮތުން ސަރުކާރުން ވަރަށް ޚާއްޞަ އިސްކަމެއްދީގެން ކުރިއަށްގެންދާ މުހިންމު ޤައުމީ ތަރައްޤީގެ މަޝްރޫޢެކެވެ.
Project Update: Design and Build of ADh. Dhangethi Harbour Extension
6th shipment of quay wall blocks have been delivered to the project site. Quay wall line dredging and quay wall block installation works are currently ongoing.
Follow more updates at: https://t.co/RjAFCf3rnI… pic.twitter.com/4TMYRxfdel
— MTCC Plc (@MTCCPlc) October 5, 2026
އެމްޓީސީސީ އިން ބުނީ ިމި މަޝްރޫޢުގެ އަމަލީ މަސައްކަތްތައް މިހާރު ވެސް ހަލުވިކަމާއެކު ކުރިއަށްދާއިރު، ސައިޓުގައި މިވަގުތު ކުރިއަށްދަނީ ކުއޭ ވޯލް ލައިން ޑްރެޖިންގް (ތޮށިގަނޑު ލުމަށްޓަކައި ކަނޑުގެ ސަރަހައްދު ފުންކުރުމުގެ މަސައްކަތް) އާއި، ތޮށިގަނޑަށް ބޭނުންވާ ބްލޮކްތައް ހަރުކުރުމުގެ ޢަމަލީ މަސައްކަތްތަކެވެ. މި މަސައްކަތްތައް ނިމިގެންދިޔުމާއެކު، ދަނގެތީ މަސްވެރިންނަށާއި، ފަތުރުވެރިކަމުގެ ދާއިރާގައި ހަރަކާތްތެރިވާ ފަރާތްތަކަށް އަދި އާންމު ރައްޔިތުންނަށް އޮޑިދޯނިފަހަރު ލަފާފުރުމުގައި ދިމާވާ ދަތިތަކަށް ދާއިމީ ހައްލެއް ލިބިގެންދާނެ ކަމަށް އެމްޓީސީސީއިން ބުނެއެވެ.
މިފަދަ ބަނދަރު ތަރައްޤީކުރުމުގެ މަޝްރޫޢުތަކުގެ ސަބަބުން ރަށްރަށުގެ އިޤްތިޞާދީ ދުވެލި ހަލުވިވެ، މުދާ އުފުލުމާއި ދަތުރުފަތުރުކުރުމަށް ބޮޑެތި ލުއިފަސޭހަތަކެއް ލިބިގެންދާނެ ކަމަށް ކަމާބެހޭ ފަރާތްތަކުން ފާހަގަކުރައްވައެވެ.
