މާލެއަށް ބޯކޮށް ވާރޭވެހި 37 ތަނަކަށް ފެންވަދެގެން އެހީއަށް އެދެފި
މާލެއަށް ބޯކޮށް ވާރޭވެހި، ގޭބީސީތަކަށާއި ވިޔަފާރިތަކަށް ފެންވަދެގެން ރިޕޯޓްކުރުމާ ގުޅިގެން ނެޝަނަލް ޑިޒާސްޓާ މެނޭޖްމެންޓް އޮތޯރިޓީ (އެންޑީއެމްއޭ) އާއި ކަމާގުޅޭ އިދާރާތައް ގުޅިގެން ކުއްލި އެހީތެރިކަން ފޯރުކޮށްދިނުމުގެ މަސައްކަތް ފަށައިފިއެވެ. އެންޑީއެމްއޭއިން ހާމަކުރެއްވި ގޮތުގައި، ރޭ ކުރި ވިއްސާރައިގައި މާލޭގެ 21 ގެއަކަށާއި، 16 ފިހާރައެއްގެ އިތުރުން 2 ރެސްޓޯރެންޓާއި، 2 ކްލިނިކް އަދި ސަރުކާރުގެ 4 އިމާރާތަކަށް ފެންވަދެގެން ވަނީ ރިޕޯޓްކޮށްފައެވެ. މީގެއިތުރުން، ފެންބޮޑުވުމުގެ ސަބަބުން އެއް ގެއަކުން ނަޖިސް ލީކުވުމުގެ ހާދިސާއެއްވެސް ވަނީ ހުށަހެޅިފައެވެ.
