މާލޭގެ އުތުރު ފަރާތު ބަނދަރު ބޭނުންކުރުމުގައި އާންމުންނާއި އުޅަނދުފަހަރަށް ދިމާވަމުންދާ ދަތިތަކަށް ދާއިމީ ހައްލެއް ހޯދައިދިނުމުގެ ގޮތުން، އެ ސަރަހައްދުގެ ޖެޓީތައް ތަރައްޤީކުރުމުގެ އަމަލީ މަސައްކަތް ފެށުމަށް ނިންމައިފިއެވެ.
މިނިސްޓްރީ އޮފް އިންފްރާސްޓްރަކްޗަރ، ހައުސިންގ އެންޑް އަރބަން ޑިވެލޮޕްމަންޓުން މިއަދު އާންމުކުރި އިއުލާނެއްގައި ބުނެފައިވަނީ، ބަނދަރުގެ ޖެޓީތައް ތަރައްޤީކުރުމުގެ މަސައްކަތް ފެށުމަށްޓަކައި، މަސްވެރިންގެ ޕާކު ސަރަހައްދުން ފެށިގެން ނާދީ ގޯޅިއާ ހަމައަށް އަޅާފައިވާ އެންމެހައި އުޅަނދުފަހަރު ކުރިއަށްއޮތް ހުކުރު ދުވަހުގެ ރޭގަނޑު 11:00 ގެ ކުރިން އެ ސަރަހައްދުން ނަގައި ހުސްކުރަންޖެހޭ ކަމަށެވެ.
އަދި ކަނޑައަޅާފައިވާ ސުންގަޑީގެ ފަހުން އެ ސަރަހައްދުގައި ނުނަގައި ހުންނަ އުޅަނދުފަހަރު، މަސައްކަތަށް މަރުހަބާ ކިއުމުގެ ގޮތުން މިނިސްޓްރީގެ ފަރާތުން އިސްނަގައިގެން ނަގަމުންދާނެކަމަށްވެސް އެ މިނިސްޓްރީން ވަނީ ހާމަކޮށްފައެވެ.
