ރައްޔިތުންނަށް ފޯރުކޮށްދޭ ޔުޓިލިޓީ ޚިދުމަތްތަކުގެ ސިޔާސަތުތަކަށް ގެންނަންޖެހޭ ބަދަލުތަކާ ގުޅޭގޮތުން، ހަކަތައާ ބެހޭ މިނިސްޓަރު އަލީ ޝަރީފް، ޚިދުމަތްދޭ ކުންފުނިތަކުގެ އިސްވެރިންނާއެކު މަޝްވަރާ ކުރައްވައިފިއެވެ.
އިއްޔެ ބޭއްވި މި ބައްދަލުވުމުގައި ސްޓެލްކޯ އާއި ފެނަކަ އަދި އެމްޑަބްލިއުއެސްސީ (ފެން ކުންފުނި) ގެ އިތުރުން ކަމާގުޅޭ އިދާރާތަކުގެ އިސްބޭފުޅުން ބައިވެރިވެވަޑައިގެންނެވިއެވެ. މި ބައްދަލުވުމުގެ މައިގަނޑު ބޭނުމަކީ ކަރަންޓާއި ފެނާއި ނަރުދަމާގެ ޚިދުމަތްތަކުގެ ފެންވަރު މަތިކޮށް، ދިމާވާ ގޮންޖެހުންތަކަށް ހައްލު ހޯދުމެވެ.
މިއީ ރައްޔިތުންނަށް ލުއިފަސޭހަ އަދި އިތުބާރު ހުރި ގޮތެއްގައި އަސާސީ ޚިދުމަތްތައް ފޯރުކޮށްދިނުމަށް ސަރުކާރުން އިސްކަންދޭ މިންވަރު ހާމަވާ ކަމެއް ކަމަށާއި، މުއައްސަސާތައް ގުޅިގެން މަސައްކަތްކުރުން މުހިންމުކަން މިނިސްޓަރު ފާހަގަކުރެއްވިއެވެ. މި މަޝްވަރާތައް ބޭއްވިިއިރު، ފެނަކަ އުވާލައި ސްޓެލްކޯގެ ދަށަށް ބަދަލުކުރުމުގެ މަސައްކަތް ދަނީ ކުރަމުންނެވެ. އަދި އައްޑޫ އާއި ފުވައްމުލަކުގެ ފެނާއި ނަރުދަމާގެ ޚިދުމަތް އެމްޑަބްލިއުއެސްސީގެ ދަށަށް ބަދަލުކުރުމުގެ އެއްބަސްވުމުގައި މިހާރު ވަނީ ސޮއިކޮށްފައެވެ.
