އިމާރާތްކުރުމާއި މަގުކޮނުމުގެ މަސައްކަތްތައް ކުރިއަށްގެންދާއިރު، ބިމުގެ އަޑީގައިވާ ކަރަންޓު ވިއުގައަށް އެއްވެސް ގެއްލުމެއް ނުވާނޭހެން، ފުރިހަމަ ރައްކާތެރިކަމާއެކު މަސައްކަތްތައް ރާވައިގެން ކުރިއަށް ގެންދިއުމަށް ސްޓެލްކޯއިން ބާރުއަޅައި އިލްތިމާސްކޮށްފިއެވެ.
ސްޓެލްކޯއިން މިފަދައިން އިލްތިމާސްކޮށްފައިވަނީ، ހުޅުމާލޭގެ ފުރަތަމަ ފިޔަވަހީގެ ކުރެދިމާ ހިނގުމުގައި އަމިއްލަ ފަރާތަކުން ކުރިއަށްގެންދިޔަ ޢިމާރާތްރުމުގެ މަސައްކަތެއްގެ ތެރެއިން، ބިންކޮނުމުގެ ތެރޭގައި ހައިވޯލްޓޭޖް ކޭބަލަކަށް ގެއްލުންވެ، އެ ސަރަޙައްދުން ކަރަންޓުގެ ޚިދުމަތް މެދުކެނޑިގެން ދިއުމާ ގުޅިގެންނެވެ.
މިއަދު ހުޅުމާލޭގެ ފުރަތަމަ ފިޔަވަހިން ކަރަންޓުގެ ޚިދުމަތް މެދުކެނޑެން މެދުވެރިވީ، ކުރެދިމާ ހިނގުމުގައި އަމިއްލަ ފަރާތަކުން ކުރިއަށްގެންދިޔަ ޢިމާރާތްކުރުމުގެ މަސައްކަތެއްގެ ތެރެއިން ބިންކޮނުމުގެ ތެރޭގައި ހައިވޯލްޓޭޖް ކޭބަލަކަށް ގެއްލުންވުމާ ގުޅިގެން. މީގެ އިތުރުން، މިދިޔަ… pic.twitter.com/fm5wbgMhgA
— STELCO (@STELCOMALDIVES) September 28, 2026
އެ ކުންފުނިން ފާހަގަކޮށްފައިވާ ގޮތުގައި، މިދިޔަ ބުރާސްފަތި ދުވަހުވެސް މިފަދަ ހާދިސާއެއް ހިނގާފައިވާއިރު، އޭގެ ސަބަބުން ހުޅުމާލެ ފުރަތަމަ ފިޔަވަހީގެ ބައެއް ސަރަޙައްދުތަކުން ވަނީ ކަރަންޓު ކެނޑިފައެވެ.
ކައިރިކައިރީގައި މިފަދަ ހާދިސާތައް ތަކުރާރުވެ، ކަރަންޓުގެ މައި ވިއުގައަށް ގެއްލުންވެ ހިދުމަތް މެދުކެނޑުމަކީ އާންމު ރައްޔިތުންނަށް އިންތިހާއަށް ދަތިތަކާ ކުރިމަތިލާންޖެހޭ ވަރަށް ބޮޑު ކަންބޮޑުވުމެއް ކަމަށް ސްޓެލްކޯއިން ބުނެއެވެ. ވުމާއެކު، އިމާރާތްކުރުމާއި މަގުކޮނުމުގެ މަސައްކަތްތައް ކުރިއަށްގެންދަވާ ހުރިހާ ފަރާތްތަކުންވެސް މިހާރަށްވުރެ ބޮޑަށް ޒިންމާދާރުވެ، ބިމުގެ އަޑީގައިވާ ކަރަންޓު ކޭބަލްތަކާއި ވިއުގައަށް އެއްވެސް ގެއްލުމެއް ނުވާނެހެން ކަމާބެހޭ މައުލޫމާތު ހޯދައިގެން މަސައްކަތްތައް ކުރިއަށް ގެންދިއުމަށް އެ ކުންފުނިން ވަނީ އިރުޝާދު ދީފައެވެ.
