ދިވެހިރާއްޖޭގައި ކުރިއަށްގެންދިއުމަށް ރާވާފައިވާ ތަރައްޤީގެ އެކި މަޝްރޫޢުތަކަށް ބޭނުންވާ މާލީ އެހީތެރިކަން ހޯދުމާ ގުޅޭގޮތުން އަބޫދާބީ ފަންޑް ފޯ ޑިވެލޮޕްމެންޓް (އޭޑީއެފްޑީ) އާއެކު ދިވެހި ސަރުކާރުން މަޝްވަރާތައް ބާއްވައިފިއެވެ.
މި ބައްދަލުވުމުގައި ދިވެހިރާއްޖޭގެ އިޤްތިޞާދީ ކުރިއެރުމަށާއި އުމްރާނީ ތަރައްޤީއަށް މުހިންމު ދާއިރާތަކުން ކުރިއަށްގެންދަން ކަނޑައަޅާފައިވާ މަޝްރޫޢުތަކުގެ ތަފުސީލުތައް ވަނީ ހިއްސާކޮށްފައެވެ. އަދި އެ މަސައްކަތްތަކަށް ބޭނުންވާ ފައިސާ ހަމަޖެއްސުމާއި، ދެމެހެއްޓެނިވި ގޮތެއްގައި އިންވެސްޓްމަންޓްތައް ކުރިއަށް ގެންދެވިދާނެ ދާއިރާތަކާ ގުޅޭގޮތުން ދެފަރާތުގެ ދެމެދުގައި ފުޅާ ދާއިރާއެއްގައި ޚިޔާލު ބަދަލުކުރެވުނެވެ.
Minister of Finance and Public Enterprises Hassan Zareer met with H.E. Mohamed Saif Al Suwaidi, Director General of @ABUDHABI_FUND, to discuss opportunities to further strengthen cooperation and expand the longstanding partnership between the Maldives and ADFD.
Discussions also… pic.twitter.com/JmnpaHQzfk
— Ministry of Finance and Public Enterprises (@MoFmv) September 9, 2026
އަބޫދާބީ ފަންޑަކީ ދިވެހިރާއްޖޭގެ ތަރައްޤީގެ ގިނަ މަޝްރޫޢުތަކެއްގައި މީގެކުރިންވެސް މާލީ އެހީތެރިކަން ފޯރުކޮށްދީފައިވާ އިތުބާރުހުރި ބައިވެރިއެކެވެ. އެގޮތުން ވައިގެ ބަނދަރުތައް ތަރައްޤީކުރުމާއި، އިޖުތިމާޢީ ބޯހިޔާވަހިކަމާއި، ޒަމާނީ އުމްރާނީ ވަސީލަތްތައް ޤާއިމުކުރުމުގެ މުހިންމު މަޝްރޫޢުތަކަށް އެ ފަންޑުން ވަނީ ބޮޑެތި އެހީތަކެއް ދީފައެވެ.
މި މަޝްވަރާތަކުގެ ސަބަބުން ރާއްޖެއާއި އަބޫދާބީ ފަންޑާ ދެމެދު އޮތް ޒަމާންވީ ގުޅުން އިތުރަށް ބަދަހިވެގެންދާނެއެވެ. މީގެއިތުރުން ސަރުކާރުން އިސްކަންދޭ އިޤްތިޞާދީ މުހިންމު ލަނޑުދަނޑިތައް ހާސިލުކުރުމަށް ބޭނުންވާ މާލީ ވަސީލަތްތައް ހަމަޖެއްސުމަށް އިތުރު ފުރުޞަތުތަކެއް ފަހިވެގެންދާނެ ކަމަށް ބެލެވެއެވެ.
