ޑައިވިންގ ހާދިސާތަކުގައި ބޭނުންކުރުމަށް މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އަށް "ޕޯޓަބަލް ހައިޕަރބެރިކްސް ޓްރާންސްޕޯޓް ޔުނިޓެއް" ހަދިޔާކޮށްފިއެވެ. މި ޔުނިޓް ހަދިޔާކޮށްފައިވަނީ "ހައިޕަބެރިކްސް ޔޫރަޕް" އިންނެވެ.
އިންޓަގްރޭޓެޑް ހެޑްކުއާޓާޒުގައި ބޭއްވި ޚާއްޞަ ރަސްމިއްޔާތެއްގައި އެމްއެންޑީއެފްގެ ފަރާތުން މި ޔުނިޓާ ރަސްމީކޮށް ހަވާލުވެވަޑައިގަތީ ޗީފް އޮފް ޑިފެންސް ފޯސް މޭޖަރ ޖެނެރަލް އިބްރާހީމް ޙިލްމީއެވެ.
MNDF extends sincere gratitude to Hyperbarics Europe for the generous assistance in providing a portable hyperbaric transport unit to MNDF. @CDFofMNDF formally received the unit today at the Integrated Headquarters. pic.twitter.com/7K0nBRo6ZF
— Maldives National Defence Force (@MNDF_Official) August 23, 2026
މި ޔުނިޓަކީ ޑައިވިންގ ކުއްލި ހާދިސާތަކާއި ސިއްޙީ އިމަޖެންސީތަކުގައި އަނިޔާވާ ބަލިމީހުން އެއްތަނުން އަނެއްތަނަށް ގެންދިއުމުގައި ޕްރެޝަރ ޗެމްބަރެއްގެ ގޮތުގައި ފުރާނަ ސަލާމަތްކުރުމަށް ބޭނުންކުރެވޭ މުހިންމު ވަސީލަތެކެވެ. ކަނޑުގެ ސަރަޙައްދު ބޮޑު ރާއްޖޭގައި ސިފައިން ހިންގާ ސަލާމަތީ އަދި އިމަޖެންސީ އޮޕަރޭޝަންތަކަށް މިއީ ލިބިގެންދިޔަ ބޮޑު ކުރިއެރުމެކެވެ.
