ވެލާނާ އިންޓަރނޭޝަނަލް އެއަރޕޯޓް (ވީއައިއޭ) ގައި ދިމާވެދާނެ ސިއްހީ ކުއްލި ނުރައްކަލުގެ ހާލަތަކަށް ތައްޔާރުވުމުގެ ގޮތުން ޚާއްސަ "ޕާޝަލް އިމަޖެންސީ އެކްސަސައިޒް" އެއް ކާމިޔާބުކަމާއެކު ކުރިއަށް ގެންގޮސްފިއެވެ.
ހަރަކާތުގެ މައިގަނޑު މަގުސަދު
-
އޭޖެންސީތަކުގެ ގުޅުން ވަރުގަދަކުރުން: ހެލްތު ޕްރޮޓެކްޝަން އޭޖެންސީ (އެޗްޕީއޭ) އާ ގުޅިގެން ބޭއްވި މި ހަރަކާތުގެ މައިގަނޑު ބޭނުމަކީ، އެއާޕޯޓުގައި ދިމާވެދާނެ ސިއްހީ ކުއްލި ނުރައްކަލުގެ ހާލަތެއްގައި ކަމާގުޅޭ އިދާރާތަކުގެ މެދުގައި އޮންނަ ގުޅުމާއި ކޯޑިނޭޝަން އިތުރަށް ހަރުދަނާކުރުމެވެ.
Advertisement
Advertisement -
ބިއޯންޑް އެއާލައިންގެ ބައިވެރިވުން: އިމަޖެންސީ ރެސްޕޮންސް ސިމިއުލޭޝަން ފުރިހަމަކުރުމުގައި "ބިއޯންޑް" އެއާލައިނުން ވަނީ ބައިވެރިވެ، އެހީތެރިކަން ފޯރުކޮށްދީފައެވެ.
މި އިމަޖެންސީ އެކްސަސައިޒް ކުރިއަށްދިޔައިރު އެއާޕޯޓުގެ އާންމު އޮޕަރޭޝަންތަކަށާއި ޝެޑިއުލް ފްލައިޓްތަކުގެ ދަތުރުތަކަށް އެއްވެސް ބުރޫއެއް އަރާފައެއް ނުވެއެވެ. މޯލްޑިވްސް އެއަރޕޯޓްސް ކޮމްޕެނީ (އެމްއޭސީއެލް) އިން ވަނީ ފްލައިޓްތަކަށް ބުރޫނާރުވާ މިފަދަ ހަރަކާތެއް ކާމިޔާބުކަމާއެކު ނިންމާލެވުމަކީ ލިބުނު ބޮޑު ކާމިޔާބީއެއްގެ ގޮތުގައި ފާހަގަކޮށްފައެވެ.
އެއާޕޯޓުގެ ރައްކާތެރިކަން ކަށަވަރުކުރުމަށާއި ކުއްލި ހާލަތްތަކަށް ތައްޔާރުވެ ތިބުމަށްޓަކައި އެމްއޭސީއެލްއިން ގަވާއިދުން ތަފާތު ތަމްރީނު ހަރަކާތްތައް ބާއްވައެވެ.
މީގެ ތެރޭގައި ރާއްޖޭގެ އޭވިއޭޝަން ދާއިރާގައި ބާއްވާ އެންމެ ބޮޑު އިމަޖެންސީ ހަރަކާތް ކަމަށްވާ "އެއާޕޯޓް ފުލް ސްކޭލް އިމަޖެންސީ އެކްސަސައިޒް (އެފެކްސް)" ހިމެނޭއިރު، އެ ހަރަކާތް އެންމެ ފަހުން ބޭއްވީ މިދިޔަ އަހަރުއެވެ.
