މިއަދު އިރުއޮއްސި 18:00 އާ ހަމައަށް ރާއްޖޭގެ އުތުރާއި ދެކުނުގެ އަތޮޅުތަކަށް ގުގުރުމާއެކު ވާރޭވެހޭނެ ކަމަށާއި، މެދުތެރޭގެ އަތޮޅުތަކަށް ވެސް ބައެއް ވަގުތުތަކުގައި ކެރީގެ އަސަރު ކުރާނެ ކަމަށް މޫސުމާ ބެހޭ ގައުމީ އިދާރާ (މެޓް) އިން ވަނީ ލަފާކޮށްފައެވެ.
ދެކުނުގެ އަތޮޅުތަކަށް ހުޅަނގުދެކުނާއި ހުޅަނގުން، އަދި އެހެން ހިސާބުތަކަށް ހުޅަނގާއި ހުޅަނގުއުތުރުން ގަޑިއަކު 8 މޭލާއި 18 މޭލާ ދެމެދުގެ ބާރުމިނުގައި ވައި ޖެހޭނެއެވެ. ވިލާގަނޑުގައި ގަޑިއަކު 35 މޭލަށް ވައި ގަދަވުން އެކަށީގެންވާއިރު، ކަނޑުތައް އާދައިގެ ވަރަކަށް މަޑުވި ނަމަވެސް ވިލާގަނޑުގައި ގަދަވާނެއެވެ. ރާޅުގެ އުސްމިން ހުންނާނީ 3 ފޫޓާއި 6 ފޫޓާ ދެމެދުގައެވެ.
ވޭތުވެދިޔަ 24 ގަޑިއިރުގެ ވާރޭގެ ތަފާސްހިސާބު
ވޭތުވެދިޔަ 24 ގަޑިއިރުގެ ތެރޭގައި އެންމެ ގިނައިން ވާރޭ ވެހިފައިވަނީ ގދ. އަތޮޅަށެވެ. އެންމެ ގިނައިން ވާރޭ ރެކޯޑުކުރެވުނު ސަރަހައްދުތަކުގެ ތަފްސީލު:
-
ގދ. ކާޑެއްދޫ: 20.4 މިލިމީޓަރު (އެންމެ ގިނައިން)
-
ގދ. ތިނަދޫ: 16.7 މިލިމީޓަރު
-
ޏ. ފުވައްމުލައް: 10.5 މިލިމީޓަރު
-
ޅ. އޮޅުވެލިފުށި: 9.7 މިލިމީޓަރު
-
ގއ. ކޫއްޑޫ: 7.5 މިލިމީޓަރު
-
އެހެނިހެން ސަރަހައްދުތައް: އދ. މާމިގިއްޔަށް 6.5 މިލިމީޓަރު، މ. މުއްޔަށް 3.5 މިލިމީޓަރު، އައްޑޫ ހިތަދޫއަށް 3.3 މިލިމީޓަރު އަދި ހުޅުމާލެއަށް 2.2 މިލިމީޓަރުގެ ވާރޭ ވެހިފައިވެއެވެ.
