ލ އަތޮޅުގެ އެންމެ ބޮޑު އެއް ރަށް ކަމަށްވާ ލ. ގަމު ބަނދަރު އަޕްގްރޭޑް ކުރުމަށް ސަރުކާރުން ކުރިއަށްގެންދާ ބޮޑު މަޝްރޫއުގެ އަމަލީ މަސައްކަތްތައް ހަލުވި މިނެއްގައި ކުރިއަށް ގޮސް، މިހާރު މުޅި މަޝްރޫއުގެ 80.33 އިންސައްތަ މަސައްކަތް ނިމިފައިވާ ކަމަށް އެމްޓީސީސީއިން ހާމަކޮށްފިއެވެ.
މި މަޝްރޫއުގެ އެންމެ ފަހުގެ އަޕްޑޭޓްދެމުން އެމްޓީސީސީއިން ބުނީ މިހާރު ކުރިއަށްދަނީ ބަނދަރަށް ވަންނަ ރާޅުތައް ކޮންޓްރޯލް ކުރުމަށްޓަކައި ހަދާ ބޭރުތޮށި (ބްރޭކްވޯޓާ) ފުންކޮށް، ވެލިއަޅައިގެން ބޭރުތޮށީގެ ޕްރޮފައިލިންގ ނުވަތަ ބައްޓަން ކަނޑައެޅުމުގެ މުހިންމު މަސައްކަތްތަކެވެ.
Project Update: Design and Build of L. Gan Harbor Upgrading
Sandfill breakwater profiling works are ongoing. Overall project progress is 80.33%.
Follow more updates at: https://t.co/SfVAzkW2pp#MTCCProjects #TeamMTCC #RayyithungeKunfuni #GaumuBinaakurumugaaMTCC pic.twitter.com/RciTi1m6Fo
— MTCC Plc (@MTCCPlc) July 13, 2026
މި މަޝްރޫއަކީ ގަމުގެ ރައްޔިތުންނަށާއި އެ ރަށަށް ޒިޔާރަތްކުރާ ކަނޑުދަތުރުފަތުރުކުރާ ފަރާތްތަކަށް ބަނދަރު ބޭނުންކުރުމުގައި ދިމާވާ ދަތިތަކަށް ދާއިމީ ހައްލެއް ހޯދައިދިނުމަށާއި، ރަށުގެ އިގްތިސާދީ ހަރަކާތްތައް ފުޅާކުރުމަށްޓަކައި ސަރުކާރުން ހާއްސަ އިސްކަމެއް ދީގެން ކުރިއަށްގެންދާ އުމްރާނީ ބޮޑު އިންވެސްޓްމަންޓެކެވެ.
އެމްޓީސީސީއިން މައުލޫމާތުދޭ ގޮތުގައި، ކުރިއަށް އޮތް ކުޑަދުވަސްކޮޅުތެރޭގައި ތެރޭގައި ބާކީ ހުރި މަސައްކަތްތައް އެއްކޮށް ނިންމާލައި، ރައްޔިތުންގެ ބޭނުންތަކަށް ބަނދަރު ހުޅުވާލުމަށް ވަރަށް ބޮޑަށް މަސައްކަތް ކުރަމުންދާ ކަމަށެވެ.
