މާފުށީ ޖަލުގައި ތިބި ޕެރޯލްއަށް އެދި ހުށަހަޅާފައިވާ ގައިދީންގެ ތެރެއިން ޝަރުތުހަމަވާ މީހުންނާ އިންޓަވިއުކޮށް، ގޮތްތަކެއް ނިންމުމަށް ޕެރޯލް ބޯޑުގެ ޚާއްޞަ ބައްދަލުވުންތަކެއް އިއްޔެ ބާއްވާފައިވާ ކަމަށް މޯލްޑިވްސް ކަރެކްޝަނަލް ސާވިސްއިން މިއަދު ހާމަކޮށްފިއެވެ.
މި ދަތުރުގެ ތެރެއިން ޕެރޯލް ބޯޑުގެ މެންބަރުން ވަނީ ޖަލުގައި ގައިދީންނަށް އަމާޒުކޮށްގެން ހިންގާ ރިހެބިލިޓޭޝަން ޕްރޮގްރާމްތަކާއި، ކޯސްތައް ކުރިއަށްދާ މަސައްކަތްތެރިކަމުގެ ސައިޓަށް ޒިޔާރަތްކޮށް، އެތަނުގެ މަސައްކަތްތައް ހިނގާގޮތް ވެސް ބައްލަވާލައްވާފައެވެ.
ޕެރޯލް އަދި ކްލެމެންސީގެ އުސޫލުގެ ދަށުން ދެހާސް ތޭވީސް ވަނަ އަހަރު ޖުމްލަ 434 ގައިދީން ޖަލުން ދޫކޮށްލާފައިވާއިރު، މީގެ ތެރޭގައި ގިނައީ މަސްތުވާތަކެތީގެ މައްސަލަތަކުގައި ހުކުމް ތަންފީޒުކުރަމުންދިޔަ މީހުންނެވެ. މީގެ އިތުރުން ޖަލުތަކުގައި ތިބޭ ގައިދީން ރިހެބިލިޓޭޝަން ޕްރޮގްރާމްތަކުގައި ބައިވެރިވެ، އެ ޕްރޮގްރާމްގައި ހޭދަކުރާ ކޮންމެ ދުވަހަކީ އެމީހެއްގެ ބާކީ އޮތް ހުކުމުގެ މުއްދަތުން އުނިވާނެ ނުވަތަ މާފުވާނެ ދުވަހެއްގެ ގޮތުގައި ރައީސް ޑރ. މުހައްމަދު މުއިއްޒު ދެހާސް ސައުވީސް ވަނަ އަހަރު ވަނީ ކަނޑައަޅުއްވާފައެވެ.
ފަންސަވީސް އަހަރުގެ މެދުކެނޑުމަކަށްފަހު، ޖަލުތަކުގައި ތިބޭ ގައިދީން ކުރާ މަސައްކަތްތަކަށް ދޭ އެލަވަންސް ސަރުކާރުން ވަނީ ބޮޑުކޮށްފައެވެ. މަސައްކަތުގެ ބާވަތަށް ބަލައި އަށް ގްރޭޑަކަށް ބަހާލައިގެން ދޭ މި އެލަވަންސްގެ އެންމެ ދަށް މިންގަނޑު ކަމަށްވާ ގްރޭޑް އެކަކަށް ދުވާލަކަށް ފަންސާސް ރުފިޔާ ލިބޭއިރު، މަތީގެ ކޮންމެ ގްރޭޑަކަށް ބަދަލުވާއިރު ދުވާލަކު ލިބޭ އެލަވަންސަށް ދިހަ ރުފިޔާ އަންނަނީ އިތުރުވަމުންނެވެ.
އެގޮތުން ގްރޭޑް ދޭކަށް ފަސްދޮޅަސް ރުފިޔާ ލިބޭއިރު، ގްރޭޑް ތިނަކަށް 60 ރުފިޔާ، ގްރޭޑް 4 އަށް 80ރުފިޔާ، ގްރޭޑް ފަހަކަށް 90 ރުފިޔާ، ގްރޭޑް ހަޔަކަށް ދުވާލަކަށް 100 ރުފިޔާ، ގްރޭޑް ހަތަކަށް ދުވާލަކަށް 110 އަދި އެންމެ މަތީ މިންގަނޑު ކަމަށްވާ ގްރޭޑް އަށަކަށް ދުވާލަކަށް ސަތޭކަ ވީހް ރުފިޔާ ލިބޭނެއެވެ.
