ރާއްޖޭގައި މިއަދު ފާހަގަކުރަމުންދާ 34 ވަނަ ލިޔުންތެރިންގެ ދުވަހުގެ މުނާސަބަތުގައި، ރައީސް ޑރ. މުހައްމަދު މުއިއްޒުގެ އަނބިކަނބަލުން، ފަސްޓްލޭޑީ ސާޖިދާ މުހައްމަދު، ދިވެހި ލިޔުންތެރިންނަށާއި އަދަބިއްޔާތަށް ހިދުމަތްކުރައްވާ ފަރާތްތަކަށް ތަހުނިޔާ ފޮނުއްވައިފިއެވެ.
އެކަމަނާގެ ރަސްމީ "އެކްސް" އެކައުންޓުގައި ކުރެއްވި ޕޯސްޓެއްގައި ވިދާޅުވީ ރާއްޖޭގެ 34 ވަނަ ލިޔުންތެރިންގެ ދުވަހުގެ އިހުލާސްތެރި ތަހުނިޔާ، ދިވެހިބަހުގެ އަދަބިއްޔާތާއި ލިޔުންތެރިކަން ކުރިއެރުވުމަށް ބުރަ މަސައްކަތްތަކެއް ކޮށްދެއްވާ ހުރިހާ ލޮބުވެތި އުހުތުންނާއި އަހުންނަށް ދަންނަވާ ކަމަށެވެ.
ދިވެހިރާއްޖޭގެ 34 ވަނަ ލިޔުންތެރިންގެ ދުވަހުގެ ތަހުނިޔާ، ދިވެހިބަހުގެ އަދަބިއްޔާތާއި ލިޔުންތެރިކަން ކުރިއެރިވުމަށް މަސައްކަތްކޮށްދެއްވާ ހުރިހާ ލޮބުވެތި އުޚްތުންނާއި އަޚުންނަށް ދަންނަވަން. ދިވެހި ލިޔުންތެރިކަމަށް އުޖާލާ ކުރިމަގަކަށް އެދި ދުޢާކުރަން. pic.twitter.com/9LPoWQSyld
AdvertisementAdvertisement— First Lady Sajidha Mohamed (@sajidhaamohamed) July 8, 2026
މި ދުވަހުގެ މައިގަނޑު މަގުސަދަކީ ދިވެހި ބަހާއި އަދަބިއްޔާތު ކުރިއަރުވައި، ގައުމުގެ ހޭލުންތެރިކަން އިތުރުކުރުމަށްޓަކައި ލިޔުންތެރިން ކުރަމުންދާ އަގުހުރި މަސައްކަތްތަކުގެ އަގުވަޒަންކުރުމާއެކު، އާ ޖީލުތަކަށް ލިޔުންތެރިކަމުގެ ޝައުގުވެރިކަން އުފެއްދުމެވެ.
ޖުލައި މަހުގެ އަށް ވަނަ ދުވަހަކީ ރާއްޖޭގައި ކޮންމެ އަހަރެއްގެވެސް ލިޔުންތެރިންގެ ދުވަހުގެ ގޮތުގައި ފާހަގަ ކުރަމުންދާ ދުވަހެވެ. ދުވަހައި ގުޅިގެން ރައީސުލްޖުމްހޫރިއްޔާ ޑރ. މުޙައްމަދު މުއިއްޒުވެސް ވަނީ ތަހުނިޔާ ވިދާޅުވެފައެވެ.
