ދިވެހިރާއްޖޭގެ ޤައުމީ ދިފާޢީ ބާރު އެމްއެންޑީއެފްއިން ރާއްޖޭގެ އެކި ސަރަޙައްދުތަކަށް ބަހާލައިގެން ކުރިއަށްގެންދާ ޚާއްޞަ އަސްކަރީ ތަމްރީނުތަކެއް މިއަދު ފަށައިފިއެވެ. ޖުމްލަ 13 ސަރަޙައްދެއްގައި މި ތަމްރީނުތައް ކުރިއަށްދާނެއެވެ.
މި ތަމްރީނުތަކުގެ ތަފްޞީލު:
-
މުއްދަތު: މިއަދުން ފެށިގެން 3 ދުވަހުގެ މުއްދަތަކަށް މި ތަމްރީނުތައް ކުރިއަށްދާނެއެވެ.
-
ސިފައިންގެ ހަރަކާތްތެރިވުން: މި މުއްދަތުގައި ސިފައިން އެކި ސަރަޙައްދުތަކުގައި ހަތިޔާރާއެކު ހަރަކާތްތެރިވަމުންދާނެއެވެ.
-
ބޭނުންކުރާ ތަކެތި: ތަމްރީނުތަކުގެ ތެރޭގައި ބްލޭންކްސް އަދި ޕައިރޯޓެކްނިކްސް ބޭނުންކުރުމަށް ވަނީ ހަމަޖެހިފައެވެ.
ރައްކާތެރިކަމުގެ ފިޔަވަޅު: މި ތަމްރީނުތައް ކުރިއަށްގެންދިއުމަށް ހަމަޖެހިފައިވަނީ އެއްވެސް މީހަކަށް ނުވަތަ އާންމު އެއްވެސް ތަނަކަށް އެއްވެސް ކަހަލަ ގެއްލުމެއް ނުވާނެ ފަދަ އެންމެ ރައްކާތެރި ގޮތްތަކަށް ބަލައިގެންނެވެ.
ތަމްރީނުތައް ކުރިއަށްދާ 13 ސަރަޙައްދު
މި އަސްކަރީ ތަމްރީނުތައް ކުރިއަށްދާނީ މައިގަނޑު ގޮތެއްގައި ހައްދުންމަތީގެ (ލ. އަތޮޅުގެ) ތިރީގައިވާ ރަށްތަކާއި ފަޅުރަށްތަކުގައެވެ:
-
ބަރެސްދޫ
-
ފޮނަދޫ
-
ކައްދޫ
-
މާންދޫ
-
ލ. ގަން (މުކުރިމަގު، މަތިމަރަދޫ، އަދި ތުނޑި)
-
މުންޑޫ
-
މާބައިދޫ
-
ބޮކެފުށި
-
ކަޅައިދޫ
-
އުވަދެވިފުށި
-
މަހާކަންފުށި
-
ގަސްފިނޮޅު
-
ބޮޑުފިނޮޅު
ދިވެހި ސިފައިންގެ ޤާބިލުކަން އިތުރުކޮށް، ލަޝްކަރު ވަރުގަދަކުރުމުގެ ގޮތުން އަހަރުގެ އެކި ދުވަސްވަރު މާލެއާއި އަތޮޅުތަކުގެ އެކި ސަރަޙައްދުތަކުގައި އެއްގަމާއި ކަނޑުގެ ތަފާތު ތަމްރީނުތައް އެމްއެންޑީއެފްއިން އަންނަނީ ބާއްވަމުންނެވެ. ރާއްޖޭގައި ހިންގާ މިފަދަ ހަރަކާތްތަކުގެ އިތުރުން، ސިފައިންގެ ހުނަރުވެރިކަން އިތުރުކުރުމަށްޓަކައި ރާއްޖޭން ބޭރަށް ސިފައިން ފޮނުވައިގެން ވެސް ތަފާތު އެކި ތަމްރީނު ޕްރޮގްރާމްތައް ދަނީ ފުރިހަމަކުރަމުންނެވެ.
