ހުޅުމާލެ ފޭސް 2 ގެ ހިތިގަސް މަގުން ދުއްވާފައި ދިޔަ ސައިކަލެއް ކޮންޓްރޯލުން ނެއްޓި، ކަފިހިހުރަސްމަތިން މަގު ހުރަސްކުރި މީހެއްގެ ގައިގައި ޖެހި ނުރައްކާތެރި އެކްސިޑެންޓެއް ހިނގައިފިއެވެ.
ފުލުހުން މައުލޫމާތު ދޭ ގޮތުގައި މި ހާދިސާ ހިނގާފައިވަނީ އެ މަގުގެ އުތުރުން ދެކުނަށް ދުއްވި ސައިކަލެއް ކަހާލައިގެން ގޮސް މީހެއްގެ ގައިގައި ޖެހިގެންނެވެ.
Advertisement
Advertisement
މި އެކްސިޑެންޓުގައި ސީރިއަސް އަނިޔާތަކެއް ލިބިފައިވަނީ އުމުރުން 36 އަހަރުގެ ދިވެހި ފިރިހެނަކަށެވެ. އެނގިފައިވާ ގޮތުގައި އޭނާއަކީ ރާއްޖެއިން ބޭރުގައި ތައުލީމު ހާސިލުކުރަމުންދާ ކިޔަވާ ކުއްޖެކެވެ. އޭނާ ރާއްޖެ އައިސް އުޅުނީ ޗުއްޓީއަށެވެ.
މި ހާދިސާގައި އަނިޔާވި މީހާއަށް އައި.ޖީ.އެމް.އެޗް ގައި މިހާރު ފަރުވާދެމުން އަންނައިރު، އޭނާގެ ބޮލުގެ ނާށިގަނޑަށް ބޮޑެތި ގެއްލުންތަކެއް ލިބިފައިވާ ކަމަށް މައުލޫމާތު ލިބެއެވެ.
