ސަރުކާރުން ލިބެންޖެހޭ ފައިސާ ނުލިބި އޮތުމުގެ ސަބަބުން އެމްޑީޕީގެ ޗެއާޕާސަން ހޮވުމުގެ އިންތިޚާބު ފަސްކުރުމަށް ވަގުތީ ޗެއާޕާސަން އަބްދުލްޣަފޫރު މޫސާ (ގަޕޯ) ހުށަހެޅުއްވުމާ ގުޅިގެން، އެ ޕާޓީއަށް ބޭނުންވާ މާލީ އެހީތެރިކަން ހޯދުމަށް ބައެއް މެންބަރުން ހަރަކާތްތެރިވާން ފަށައިފިއެވެ.
މި އިންތިޚާބުގައި ވާދަކުރައްވާނެކަން މިހާތަނަށް ހާމަކުރައްވާފައިވަނީ ކުރީގެ ރައީސް މުހައްމަދު ނަޝީދާއި ގަލޮޅު ދެކުނު ދާއިރާގެ މެންބަރު މީކާއިލް އަހުމަދު ނަސީމެވެ. މީގެ ކުރިން ވާދަކުރައްވާނެކަން އިއުލާންކުރެއްވި އަލްހާން ފަހުމީ ވަނީ، އިންތިޚާބުގެ އިންސާފުވެރިކަމާމެދު ސުވާލު އުފައްދަވައި، ނަން އަނބުރާ ގެންދަވާފައެވެ.
ޣަފޫރު ޕާޓީގެ ގައުމީ މަޖިލީހަށް ފޮނުއްވި މެސެޖެއްގައި ވިދާޅުވީ، މި ދަނޑިވަޅުގައި އިންތިޚާބެއް ބޭއްވުމަކީ ޕާޓީގެ އެތެރޭގެ އެއްބައިވަންތަކަމަށް ބުރޫއަރައި، ސަރުކާރު ޒިންމާދާރުކުރުވުމަށް ކުރާ މަސައްކަތަށް ހުރަސް އެޅޭނެ ކަމެއް ކަމަށެވެ. އަދި މިއަހަރު ސަރުކާރުން ދޭންޖެހޭ ފައިސާ ނުލިބޭތީ، ޕާޓީގެ ހިންގުމަށާއި އިންތިޚާބު ބޭއްވުމަށް ބޭނުންވާ ބަޖެޓެއް ނެތްކަން އޭނާ ފާހަގަކުރެއްވިއެވެ. އެހެންކަމުން، ޗެއާޕާސަން އިންތިޚާބުގެ ކުރިން ރިޔާސީ ޕްރައިމަރީ ބޭއްވުމަށް އޭނާ ވަނީ ލަފާދެއްވާފައެވެ.
ރިޔާސީ ޕްރައިމަރީއަށް ތައްޔާރުވުމުގެ ގޮތުން، ރައީސް ނަޝީދުގެ ތާއިދާއެކު ފައްޔާޒް އިސްމާއީލް ވާދަކުރައްވާނެކަން އިއުލާންކުރައްވާފައިވާއިރު، ކުރީގެ ރައީސް އިބްރާހީމް މުހައްމަދު ޞާލީޙް ވެސް ވަނީ ޝައުގުވެރިކަން ފާޅުކުރައްވާފައެވެ. މި ދަނޑިވަޅުގައި ޕާޓީގެ ބައެއް މެންބަރުން ދަނީ ޑިމޮކްރަސީގެ ދިފާއުގައި ޕާޓީގެ އެކައުންޓަށް ފައިސާ ޖަމާކުރުމަށް އެދި ސޯޝަލް މީޑިއާގައި ކެމްޕޭނެއް ހިންގަމުންނެވެ.
އިންތިޚާބު ފަސްކުރުމާ މެދު މީކާއިލް ދެކޮޅު ހައްދަވާފައިވާއިރު، ރައީސް ނަޝީދު ވިދާޅުވީ ގައުމީ މަޖިލީހުން އެދޭނަމަ ވަގުތީ ގޮތުން ޕާޓީ ހިންގުމާ ހަވާލުވުމަށް ތައްޔާރަށް ހުންނެވި ކަމަށެވެ.
ސަރުކާރުން ލިބެންޖެހޭ ފައިސާ ނުލިބި އޮތުމުގެ ސަބަބުން އެމްޑީޕީގެ ޗެއާޕާސަން ހޮވުމުގެ އިންތިޚާބު ފަސްކުރުމަށް ވަގުތީ ޗެއާޕާސަން އަބްދުލްޣަފޫރު މޫސާ (ގަޕޯ) ހުށަހެޅުއްވުމާ ގުޅިގެން، އެ ޕާޓީއަށް ބޭނުންވާ މާލީ އެހީތެރިކަން ހޯދުމަށް ބައެއް މެންބަރުން ހަރަކާތްތެރިވާން ފަށައިފިއެވެ.
މި އިންތިޚާބުގައި ވާދަކުރައްވާނެކަން މިހާތަނަށް ހާމަކުރައްވާފައިވަނީ ކުރީގެ ރައީސް މުހައްމަދު ނަޝީދާއި ގަލޮޅު ދެކުނު ދާއިރާގެ މެންބަރު މީކާއިލް އަހުމަދު ނަސީމެވެ. މީގެ ކުރިން ވާދަކުރައްވާނެކަން އިއުލާންކުރެއްވި އަލްހާން ފަހުމީ ވަނީ، އިންތިޚާބުގެ އިންސާފުވެރިކަމާމެދު ސުވާލު އުފައްދަވައި، ނަން އަނބުރާ ގެންދަވާފައެވެ.
ޣަފޫރު ޕާޓީގެ ގައުމީ މަޖިލީހަށް ފޮނުއްވި މެސެޖެއްގައި ވިދާޅުވީ، މި ދަނޑިވަޅުގައި އިންތިޚާބެއް ބޭއްވުމަކީ ޕާޓީގެ އެތެރޭގެ އެއްބައިވަންތަކަމަށް ބުރޫއަރައި، ސަރުކާރު ޒިންމާދާރުކުރުވުމަށް ކުރާ މަސައްކަތަށް ހުރަސް އެޅޭނެ ކަމެއް ކަމަށެވެ. އަދި މިއަހަރު ސަރުކާރުން ދޭންޖެހޭ ފައިސާ ނުލިބޭތީ، ޕާޓީގެ ހިންގުމަށާއި އިންތިޚާބު ބޭއްވުމަށް ބޭނުންވާ ބަޖެޓެއް ނެތްކަން އޭނާ ފާހަގަކުރެއްވިއެވެ. އެހެންކަމުން، ޗެއާޕާސަން އިންތިޚާބުގެ ކުރިން ރިޔާސީ ޕްރައިމަރީ ބޭއްވުމަށް އޭނާ ވަނީ ލަފާދެއްވާފައެވެ.
ރިޔާސީ ޕްރައިމަރީއަށް ތައްޔާރުވުމުގެ ގޮތުން، ރައީސް ނަޝީދުގެ ތާއިދާއެކު ފައްޔާޒް އިސްމާއީލް ވާދަކުރައްވާނެކަން އިއުލާންކުރައްވާފައިވާއިރު، ކުރީގެ ރައީސް އިބްރާހީމް މުހައްމަދު ޞާލީޙް ވެސް ވަނީ ޝައުގުވެރިކަން ފާޅުކުރައްވާފައެވެ. މި ދަނޑިވަޅުގައި ޕާޓީގެ ބައެއް މެންބަރުން ދަނީ ޑިމޮކްރަސީގެ ދިފާއުގައި ޕާޓީގެ އެކައުންޓަށް ފައިސާ ޖަމާކުރުމަށް އެދި ސޯޝަލް މީޑިއާގައި ކެމްޕޭނެއް ހިންގަމުންނެވެ.
އިންތިޚާބު ފަސްކުރުމާ މެދު މީކާއިލް ދެކޮޅު ހައްދަވާފައިވާއިރު، ރައީސް ނަޝީދު ވިދާޅުވީ ގައުމީ މަޖިލީހުން އެދޭނަމަ ވަގުތީ ގޮތުން ޕާޓީ ހިންގުމާ ހަވާލުވުމަށް ތައްޔާރަށް ހުންނެވި ކަމަށެވެ.
