ހުޅުމާލޭގައި ދެ ކާރު ޖެހި އެކްސިޑެންޓެއް ހިނގައިފިއެވެ.
ފުލުހުން ބުނީ ހުޅުމާލެ ފޭސް 2، ހިތިގަސްމަގު ބްރިޖްގައި ދެ ކާރު ޖެހި އެކްސިޑެންޓް ވެފައިވާ މައްސަލަ 2026 އޭޕްރީލް 23 ވަނަ ދުވަހުގެ ދަންވަރު 02:43 އެހައިކަންހާއިރު ފުލުހުންނަށް ރިޕޯޓްކޮށްފައިވާ ކަމަށެވެ.
އަދި މި އެކްސިޑެންޓްގައި އޭގެ ތެރެއިން އެއް ކާރު ފުރޮޅާލާފައިވީ ނަމަވެސް، އެއްވެސް މީހަކަށް ބޭރުފުށުން ޖިސްމާނީ އަނިޔާއެއް ވެފައި ނުވާ ކަމަށް ފުލުހުން ބުންޏެވެ.
މި މައްސަލަ ފުލުހުން ދަނީ ތަހުގީގު ކުރަމުންނެވެ.
