މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ ބޯޑު މެންބަރުކަމުގެ މަޤާމަށާއި، އެ ކުންފުނީގެ ޗީފް އެގްޒެކްޓިވް އޮފިސަރު (ސީއީއޯ) އަދި މެނޭޖިން ޑިރެކްޓަރުގެ މަގާމަށް ހުސައިން ޝަފީގް އައްޔަންކުރައްވައިފި އެވެ.
އޭނަ އެ މަގާމަށް އައްޔަންކުރިކަން ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު ޕީސީބީ) އިން މިއަދު އިއުލާންކުރި އިރު، ޝަފީގަކީ މި ސަރުކާރު އައި ފަހުން އެމްޕީއެލްގެ އެމްޑީއަކަށް އައްޔަންކުރި ތިން ވަނަ ބޭފުޅާ އެވެ.
އެމްޕީއެލްގެ މެނޭޖިން ޑިރެކްޓަރުގެ މަގާމުން ހުސްވީ އެ މަގާމުގައި ހުންނެވި މުޙައްމަދު ރިޝްވާން އިސްތިއުފާ ދެއްވުމާ ގުޅިގެންނެވެ. އޭނާ އިސްތިއުފާ ދެއްވީ މިމަހު 6 ވަނަ ދުވަހުއެވެ.
ރިޝްވާން އިސްތިއުފާ ދެއްވާފައިވަނީ އޭނާ އެމްޕީއެލްގެ މުވައްޒަފަކާ ނުވަތަ މުވައްޒިފުންތަކަކާ ޒުވާބުކުރައްވާ އަޑު އިވޭ އޯޑިއޯއެއް އާންމުވެފައި ވަނިކޮށެވެ.
