ލ. ހިތަދޫގައި މަސްހިފަން މޫދަށް އެރުނު ޒުވާނަކު ނިޔާވެއްޖެއެވެ.
ފުލުހުން ބުނީ ލ. ހިތަދޫގައި މަސްހިފަން މޫދަށް އެރި އުޅުނު މީހަކު ގެނބިގެން އުޅޭކަމުގެ މައުލޫމާތު 2026 އޭޕްރީލް 21 ވަނަ ދުވަހުގެ 15:42 އެހައިކަންހާއިރު ރިޕޯޓްކޮށްފައިވާ ކަމަށެވެ.
އަދި ފުލުހުން އެޓެންޑްވެ އެ މީހާ ވަނީ އެރަށު ސިއްހީ މަރުކަޒަށް ގެންގޮސްފައިވާ ކަމަށާއި، ގެންދިޔަ އިރުވެސް ނިޔާވެފައިވާ ކަމަށް ސިއްހީ މަރުކަޒުން މައުލޫމާތު ދޭ ކަމަށް ފުލުހުން ބުންޏެވެ.
މި ހާދިސާގައި ނިޔާވެފައި ވަނީ އަމާން / ލ.ހިތަދޫ، އަޙްމަދު ހަމްޒާން (21އ) އެވެ.
ފުލުހުން ދަނީ މި މައްސަލަ ތަހުގީގު ކުރަމުންނެވެ.
