ދިވެހިރާއްޖޭގެ ހައި ކޯޓުގެ އިސް ފަނޑިޔާރުގެ މަގާމަށް ކުރިމަތިލުމަށް ހުޅުވާލި މުއްދަތު ހަމަވިއިރު، އެ މަގާމަށް ތިން ފަނޑިޔާރަކު ކުރިމަތިލައްވައިފިއެވެ.
ކުރިމަތިލެއްވި ބޭފުޅުން:
-
ފަނޑިޔާރު އަބްދުﷲ ޖަމީލު މޫސާ (މިހާރު ހައި ކޯޓު ހިންގެވުމާ ހަވާލުވެ ހުންނެވި ފަނޑިޔާރު)
-
ފަނޑިޔާރު މުހައްމަދު ޝަނީޒު އަބްދުﷲ
-
ފަނޑިޔާރު އަބްދުއްރައޫފް އިބްރާހީމް
މަގާމު ހުސްވި ގޮތް:
ހައި ކޯޓުގެ އިސް ފަނޑިޔާރުގެ މަގާމު ހުސްވީ ކުރިން އެ މަގާމުގައި ހުންނެވި ހުސައިން ޝަހީދު ސުޕްރީމް ކޯޓުގެ ފަނޑިޔާރުކަމަށް އައްޔަންކުރެއްވުމާ ގުޅިގެންނެވެ. އޭގެ ފަހުން އެ މަގާމަށް އައްޔަންކުރަން ޖޭއެސްސީން ނިންމި މުހައްމަދު ފައިސަލް ވަނީ މަގާމާ ހަވާލުވެވަޑައިގަތުމުގެ ކުރިން ފަނޑިޔާރުކަމުން އިސްތިއުފާ ދެއްވާފައެވެ.
ޖުޑީޝަލް ސާވިސް ކޮމިޝަން (ޖޭއެސްސީ) އިން މިހާރު ކުރިއަށްގެންދަނީ ކުރިމަތިލެއްވި ބޭފުޅުންގެ ތެރެއިން އެންމެ އެކަށީގެންވާ ބޭފުޅަކު ހޮވުމުގެ މަސައްކަތެވެ.
