ތެލެސީމިއާ ސޮސައިޓީގެ ކުރީގެ ޗެއާމަން އަބްދުލްމުއިއްޒު ހަސަން މިއަދު ނިޔާވެއްޖެ އެވެ.
މުއިއްޒު ނިޔާވީ ހުޅުމާލެ ހޮސްޕިޓަލްގެ އައިސީޔޫގައި ފަރުވާދެމުންދަނިކޮށް މިއަދުގެ ވަގުތެއްގަ އެވެ. ހާލު ގޯސްވެ، އޭނާއަށް ލޭ ދޭނެ ހަ ޑޯނަރުން ހޯދަން އިއްޔެ އިއުލާން ވެސް ކުރި އެވެ.
އަބްދުލް މުޢިއްޒުއަކީ، ތެލެސީމިއާ ސޮސައިޓީގެ ކުރީގެ ރައީސްކަން ކުރައްވާފައިވާ ފަރާތެކެވެ. އަދި މިހާރު އެ ސޮސައިޓީގެ އެގްޒެކެޓިވް ކޮމެޓީގެ މެންބަރެކެވެ. އޭނާ ވަނީ، ރާއްޖޭގައި ތެލެސީމިއާއަށް ހޭލުންތެރި ކުރުމަށް ގިނަ މަސައްކަތްތަކެއް ކޮށްފައެވެ.
