ޖަމްޢިއްޔާ ޖަމާޢަތްތަކުގެ ހިންގުންތެރިން ހަރުދަނާކޮށް، ލީޑަރޝިޕް ހުނަރުތައް ތަރައްގީކުރުމަށް ބާއްވާ ހާއްސަ ތަމްރީނު ޕްރޮގްރާމެއް ބާއްވަން ނިންމައިފިއެވެ.
ޔޫތު މިނިސްޓްރީން ބުނީ މި ޕްރޮގްރާމު ބޭއްވުމަށް ހަމަޖެހިފައިވަނީ އަންނަ ފެބުރުވަރީ މަހުގެ 3 ވާ އަންގާރަ ދުވަހުއެވެ.
ލިލީ މަގުގައި ހުންނަ "ޔޫތު ހަބް"ގައި ކުރިއަށް ގެންދިއުމަށް ހަމަޖެހިފައިވާ މި ޕްރޮގްރާމް އޮންނާނީ އެ ދުވަހުގެ ރޭގަނޑު 20:00 އިން 22:00 އަށެވެ.
Join our NGO Leaders Training program on 3rd February, Tuesday.
Register here: https://t.co/CCeYQCsHMW pic.twitter.com/e1nYXWx9Fw
— Ministry of Youth Empowerment, Information and Art (@YouthGovMv) January 28, 2026
މި ތަމްރީނު ޕްރޮގްރާމަކީ މަދަނީ ޖަމްޢިއްޔާތަކުގެ މަސައްކަތްތައް މިހާރަށްވުރެ ހަރުދަނާކޮށް، ހިންގުމުގެ ދާއިރާގައި ހުރި ގޮންޖެހުންތަކުން އަރައިގަތުމަށް ބޭނުންވާ މުހިންމު މަޢުލޫމާތާއި ހުނަރުތައް ފޯރުކޮށްދިނުމަށް ބާއްވާ ހަރަކާތެކެވެ.
މި ޕްރޮގްރާމުގައި ބައިވެރިވުމަށް ޝައުގުވެރިވާ ފަރާތްތައް ފެބުރުވަރީ މަހުގެ 2 ވާ ހޯމަ ދުވަހުގެ މެންދުރުފަހު 14:00 ގެ ކުރިން ކަނޑައެޅިފައިވާ ކިއުއާރް ކޯޑު ސްކޭންކޮށް ރަޖިސްޓްރީ ކުރުމަށް މިނިސްޓްރީން އެދެއެވެ.
