މިދިޔަ މަހުގެ ތެރޭ މާލޭ ޕޮލިސް ކޮމާންޑަށް ތަކެތި ގެއްލިގެން ރިޕޯޓުކުރި މައްސަލަތަކާ ގުޅިގެން، ފަސް މިލިއަނެއްހާ ރުފިޔާއަށް އަގުއަރާ މުދާ ހޯދައިފައިވެއެވެ. އޭގެ ތެރެއިން އެންމެ ގިނައިން ހޯދާފައި ވަނީ ސައިކަލެވެ.
މިދިޔަ ސެޕްޓެމްބަރު މަހު ވެސް ގެއްލުނު ކަމަށް ރިޕޯޓުކުރި މުދަލުގެ ތެރެއިން އެންމެ ގިނައިން ހޯދާފައި ވަނީ ސައިކަލެވެ. އޭގެ ތެެރޭގައި 109 ސައިކަލު ހިމެނޭއިރު އެ ތަކެތީގެ މުޅި ޖުމްލަ އަގު ހަ މިލިއަން ރުފިޔާއަށް އަރައެވެ.
