ސިނަމާލެ ބުރިޖު ހައިވޭގައި ދެ ކާރު ޖެހި އެކްސިޑެންޓެއް ހިނގައިފިއެވެ.
ފުލުހުން ހާމަކޮށްފައިވާ ގޮތުގައި ހުޅުމާލެއިން މާލެއަށް އަންނަ ފަޅިގައި ދެ ކާރު ޖެހި އެކްސިޑެންޓުވެފައިވާ މައްސަލައިގެ ރިޕޯޓު ލިބިފައިވަނީ މިއަދު 16:00 ހާއިރުއެވެ.
ފުލުހުން ބުނީ މި އެކްސިޑެންޓު ހިނގާފައިވަނީ އޯވަރޓޭކްކުރަން އުޅުމުގެ ތެރޭގައި ކަމަށާއި، މި އެކްސިޑެންޓުގައި އެއްވެސް މީހަކަށް އަނިޔާވެފައި ނުވާ ކަމަށެވެ. ނަމަވެސް، އެކްސިޑެންޓުވި ދެ ކާރަށްވެސް ގެއްލުންވެފައިވާ ކަމަށް ފުލުހުން ބުންޏެވެ.
މި މައްސަލަ ފުލުހުން ދަނީ ތަޙުޤީޤު ކުރަމުންނެވެ.
