ފަތުރުވެރިކަމުގެ ގޮންޖެހުންތަކާއި ފުރުސަތުތަކާ ގުޅޭގޮތުން މިނިސްޓަރ ޠާރިޤް ބީއެމްއެލް އަދި ޔޫނިއަން ބޭންކްގެ އިސްވެރިންނާ މަޝްވަރާ ކުރައްވައިފިއެވެ.
މި ބައްދަލުވުމުގައި ބޭންކް އޮފް މޯލްޑިވްސް (ބީއެމްއެލް) ގެ ސީއީއޯ މުޙައްމަދު ޝަރީފް އަދި ބީއެމްއެލް އާއި ޔޫނިއަން ބޭންކް ސްރީލަންކާގެ އިސްވެރިންން ބައިވެރިވެވަޑައިގެންނެވިއެވެ.
މި މަޝްވަރާގައި އިޤްތިޞާދީ ތަރައްޤީއަށް ހުރި ގޮންޖެހުންތައް ހައްލުކުރުމާއި، އައު ފުރުސަތުތައް ހޯދުމާއި ގުޅިގެން މަޝްވަރާކޮށްފައިވާއިރު، މިނިސްޓަރ ޠާރިޤް އިބްރާހީމް ވަނީ ދިވެހިރާއްޖޭގެ އިޤްތިޞާދީ ހާލަތާއި، ޚާއްސަކޮށް ފަތުރުވެރިކަމުގެ ސިނާޢަތަށް މިހާރު ކުރިމަތިވަމުންދާ ކަންކަމުގެ މައްޗަށް އަލިއަޅުވާލައްވާފައެވެ. އަދި، މި ސިނާޢަތް އިތުރަށް ކުރިއެރުވުމަށް ބޭންކިންގް އަދި މާލީ ދާއިރާއިން ދެވިދާނެ އެހީތެރިކަމާ ބެހޭގޮތުން ވެސް މަޝްވަރާ ކުރެވުނެވެ.
މި ބައްދަލުވުމުގެ މައިގަނޑު އެއް ބޭނުމަކީ، ދެ ގައުމުގެ ބޭންކިންގް ދާއިރާ ގުޅިގެން ދިވެހިރާއްޖޭގެ އިޤްތިޞާދަށް ކުރިމަތިވާ މާލީ ގޮންޖެހުންތައް ހައްލުކުރުމާއި، އަދި އައު އިންވެސްޓްމަންޓް ފުރުސަތުތައް ފަހިކުރުމެވެ.
Minister @Thoriqibrahim held discussions with BML CEO Mohamed Shareef along with senior representatives from the Bank of Maldives and Union Bank Sri Lanka, focusing on addressing current challenges and identifying opportunities across tourism and other sectors in the Maldives.… pic.twitter.com/j24mmusHVm
— Ministry of Tourism and Environment (@MoTmv) September 7, 2025
ބީއެމްއެލް އާއި ޔޫނިއަން ބޭންކް ސްރީލަންކާގެ އިސްވެރިން ވަނީ ދިވެހިރާއްޖޭގެ އިޤްތިޞާދަށް ކުރިމަތިވެފައިވާ ކަންކަމަށް ހައްލު ހޯދުމުގައި އެއްބާރުލުން ދިނުމަށް ތައްޔާރުކަމުގައި ހާމަކުރައްވާފައެވެ. މިފަދަ މަޝްވަރާތަކަކީ ދިވެހިރާއްޖޭގެ އިޤްތިޞާދީ ކުރިއެރުމަށް ވަރަށް މުހިންމު ފިޔަވަޅެކެވެ. ކުރިއަށް އޮތް ތަނުގައި މިފަދަ ގުޅުންތައް އިތުރަށް ބަދަހިކޮށް، ގުޅިގެން މަސައްކަތް ކުރުމަށް ހުރިހާ ފަރާތްތަކުން ވަނީ އެއްބަސްވެފައެވެ.
