ގއ. ދިގުދޫގެ އިރުން 5 މޭލު ބޭރުގައި ވަދު ކަނދުފަތި ޤާއިމްކޮށްފިއެވެ.
މިކަން ހާމަކޮށް މަސްވެރިކަމާއި ބެހޭ ވުޒާރާއިން ބުނީ، މި ވަދު ކަނދުފަތީގެ ނަންބަރަކީ O10V02 ކަމަށެވެ. މި ވަދު ކަނދުފަތި އަޅާފައިވަނީ ތިރީގައި ބަޔާންކޮށްފައިވާ ލޮކޭޝަނުގައެވެ.00°35.000'N
73°36.500'E
މި ވަދު ކަނދުފަތި ޤާއިމްކުރުމުގެ މައިގަނޑު މަޤްޞަދަކީ އެ ސަރަޙައްދުގެ މަސްވެރިކަން އިތުރަށް ކުރިއަރުވައި، ދެމެހެއްޓެނިވި ގޮތެއްގައި ތަރައްޤީކުރުން ކަމަށް ފިޝަރީޒް މިނިސްޓްރީން މައުލޫމާތުދެއެވެ. މި ވަދު ކަނދުފަތި ޤާއިމްކުރެވުމާ ގުޅިގެން އެ ސަރަޙައްދުގެ މަސްވެރިންނަށް، ޚާއްޞަކޮށް ޒުވާން މަސްވެރިންނާއި މުނިފޫހިފިލުވުމުގެ ގޮތުން މަސްވެރިކަމުގައި ޝާމިލްވާ ފަރާތްތަކަށް، ފާހަގަކުރެވޭފަދަ ލުއިފަސޭހަތަކެއް ލިބިގެންދާނެއެވެ. މީގެ ސަބަބުން މަސްވެރިކަމުގެ ދާއިރާއަށް އިތުރު ޝައުޤުވެރިކަމެއް އުފެދި، އިޤްތިޞާދީ ގޮތުން ނަފާ ލިބޭނެ މަގު ތަނަވަސްވެގެންދާނެއެވެ.
ވަދު ކަނދުފަތި ޤާއިމްކުރުމަކީ ސަރުކާރުގެ މަސްވެރިކަން ތަރައްޤީކުރުމުގެ ސިޔާސަތުގެ ދަށުން ކުރަމުން ގެންދާ މުހިންމު މަސައްކަތެކެވެ. އަދި ކުރިއަށް އޮތް ތަނުގައި އިތުރު ވަދު ކަނދުފަތި ރާއްޖޭގެ އެކި ސަރަޙައްދުތަކުގައި ޤާއިމްކުރުމުގެ މަސައްކަތް ކުރިއަށްދެއެވެ.ވަދު ކަނދުފަތި ނަންބަރު: O10V02 27 އޯގަސްޓް 2025 ވަނަ ދުވަހު ގއ.ދިގުދޫގެ އިރުން 5 މޭލު ބޭރުގައި ވަދު ކަނދުފަތި ޤާއިމްކޮށްފި. pic.twitter.com/FJbp736LU8
— Ministry of Fisheries and Ocean Resources (@MFORmv) August 27, 2025
