މި ހިނގާ އޮގަސްޓު މަހު 23 ވަނަ ދުވަހު ފެށުމަށް ތައްޔާރުވަމުންދާ "ބައިނަލްއަޤުވާމީ ޒަކާތު މަހާސިންތާ 2025″ގެ ޕްލެޓިނަލް ސްޕޮންސަރަކަށް ބީއެމްއެލް އިސްލާމިކް ހަމަޖައްސައިފިއެވެ.
މިކަމަށްޓަކައި ބީއެމްއެލް އިސްލާމިކްގައި ބޭއްވި ރަސްމިއްޔާތެއްގައި އެއްބަސްވުމުގައި ޒަކާތު ހައުސްގެ ފަރާތުން ސޮއިކުރެއްވީ ޑިރެކްޓަރ ޖެނެރަލް އޮފް ޒަކާތު އައްޝައިޚް ޢިއްޒައްދީން ޢަދުނާންއެވެ. ބީއެމްއެލް އިސްލާމިކްގެ ފަރާތުން ސޮއިކުރެއްވީ އެކުންފުނީގެ ބީއެމްއެލް އިސްލާމިކް ބޭންކިންގެ ޑިރެކްޓަރ ހަސަން ކަލާމްއެވެ.
We're delighted to be the Platinum Partner for the International Zakat Conference 2025!
This year's theme, “Zakat for Social Justice and Digital Inclusion: Advancing Social Welfare through Innovation" will bring together international speakers, including policymakers, scholars,… pic.twitter.com/Dx0D489pQt
— Bank of Maldives (@bankofmaldives) August 12, 2025
ދިވެހިރާއްޖޭގެ ޒަކާތު ހައުސްއިން ކުރިއަށްގެންދަން ހަމަޖެހިފައިވާ މި މަހާސިންތާ އަކީ ދެމެހެއްޓެނިވި ގޮތެއްގައި ރާއްޖޭގައި ޤާއިމުކުރެވިފައިވާ ޒަކާތުގެ ނިޒާމް ކުރިއެރުވުމުގެ މަގުސަދުގައި ބާއްވާ މަހާސިންތާއެކެވެ. މިމަހު ފެށުމަށް ހަމަޖެހިފައިވާ ޒަކާތު މަހާސިންތާގައި ބައިވެރިވާން ބޭނުންވާ އާންމު ފަރުދުންނަށްވެސް އެފުރުސަތު މިހާރު ވަނީ ހުޅުވާލެވިފައެވެ.
އިސްލާމީ މަރުކަޒުގެ ޖަލްސާކުރާ މާލަމުގައި ބޭއްވުމަށް ހަމަޖެހިފައިވާ މި މަހާސިންތާ ފެށުމަށް ހަމަޖެހިފައިވަނީ 2025 އޯގަސްޓު 23 ވަނަ ދުވަހުއެވެެ.
