ޅ. ހިންނަވަރުގައި އައުޓްޑޯ ޖިމެއް ޤާއިމްކުރުމުގެ މަސައްކަތް ނިމިފައިވާ ކަމަށް ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) އިން ބުނެފިއެވެ.
އާރުޑީސީން މިކަން ހާމަކޮށް އިއްޔެ އެކްސްގައި ކުރި ޕޯސްޓެއްގައި ބުނީ ސަރުކާރުން ކުރިއަށް ގެންދާ ޕީއެސްއައިޕީ މަޝްރޫއުތަކުގެ ތެރެއިން މި ކޯޕަރޭޝަނާއި ހަވާލުކޮށްފައިވާ ޅ. ހިންނަވަރުގެ އައުޓްޑޯ ޖިމްގެ މަސައްކަތް މިހާރު ނިމިފައިވާ ކަމަށެވެ.
ސަރުކާރުން ކުރިއަށް ގެންދާ ޕީއެސްއައިޕީ މަޝްރޫއުތަކުގެ ތެރެއިން މި ކޯޕަރޭޝަނާއި ހަވާލުކޮށްފައިވާ ޅ. ހިންނަވަރުގެ އައުޓްޑޯ ޖިމްގެ މަސައްކަތް މިހާރުވަނީ ނިމިފައެވެ.#TeamRDC pic.twitter.com/EPPO8ZDQZo
— Road Development Corporation Ltd (@rdcmaldives) June 29, 2025
291،600ރ. ގެ އަގުހުރި މި މަޝްރޫޢުގެ މަސައްކަތް ސަރުކާރުން އާރުޑީސީއާ ހަވާލުކުރީ މިދިޔަ މާރިޗު މަހުގެ 29 ވަނަ ދުވަހުއެވެ.
އާރުޑީސީން ދަނީ މީގެ އިތުރުންވެސް ހިންނަވަރު މަގުތައް ޒަމާނީ ފެންވަރަށް ތަރައްޤީކުރުމުގެ މަޝްރޫޢުގެ މަސައްކަތްވެސް ކުރަމުންނެވެ.
