މެރަކް ފައުންޑޭޝަންއާއެކު އުންމީދީ މަސައްކަތްތަކެއް ކުރައްވަން ދެއްވި ފުރުސަތަށްޓަކައި، ދިވެހިރާއްޖޭގެ ފަސްޓްލޭޑީ، މެޑަމް ސާޖިދާ މުހައްމަދު، މެރކް ފައުންޑޭޝަނަށް ޝުކުރު އަދާ ކުރައްވައިފިއެވެ.
މެރކް ފައުންޑޭޝަން ފަސްޓް ލޭޑީސް އިނިޝިއޭޓިވްގެ 7 ވަނަ ސަމިޓު ޝަރަފުވެރިކޮށްދެއްވުމަށް، މެޑަމް ސާޖިދާ ޔުނައިޓަޑް ޢެރެބް އެމިރޭޓްސް (ޔޫއޭއީ) ގެ ދުބާއީއަށް ކުރެއްވި ދަތުރުފުޅު ނިންމަވާލެއްވުމަށްފަހު ރާއްޖެ ވަޑައިގެންނެވީ 20 ޖޫންގައެވެ. އަދި މި ހިނގާ ޖޫން މަހުގެ 18 އިން 19 އަށް ކުރިއަށްދިޔަ މި ސަމިޓުގެ އިފްތިތާޙީ ސެޝަން އަދި ކޮމިޓީ ބައްދަލުވުމުގައި އެ ކަމަނާ ބައިވެރިވެވަޑައިގެން، ވަނީ ވާހަަކަ ދައްކަވާފައެވެ.
މިކަމާ ގުޅޭގޮތުން މެޑަމް ސާޖިދާ މިއަދު ކުރެއްވި ޓްވީޓެއްގައި ވިދާޅުވީ އިޖުތިމާއީ އެކިއެކި ކަންބޮޑުވުންތަކާ ގުޅޭގޮތުން، ޚާއްސަކޮށް ސިއްހީ ދާއިރާއާ ގުޅޭގޮތުން މެރކް ފައުންޑޭޝަނާއެކު މުސްތަޤުބަލުގައި ވެސް ވާހަކަފުޅު ދެއްކެވޭނެ ކަމަށް އުންމީދު ކުރައްވާ ކަމަށެވެ.
It was an immense pleasure to attend the 7th Edition of the Merck Foundation First Ladies Initiative Summit (MFFLI) held in Dubai, as Guest of Honour.
Many thanks to Chairman of Merck Foundation Board of Trustees Prof. Dr Frank Stangenberg-Haverkamp and Merck Foundation CEO… pic.twitter.com/8gUcEhryKt
— First Lady Sajidha Mohamed (@sajidhaamohamed) June 21, 2025
މިފަދަ ސަމިޓެއްގައި ބައިވެރިވެވަޑައިގަތުމަށް ދެއްވި ދައުވަތަށާއި، ކިޔުއްވި ހޫނު މަރުހަބާއާއި ދެއްވި މެހެމާންދާރީއަށް ވެސް މެޑަމް ސާޖިދާ ޝުކުރު އަދާ ކުރައްވާފައިވެއެވެ.
މި އަހަރުގެ ސަމިޓުގައި އެފްރިކާ އަދި އޭޝިޔާ ބައްރުގެ 14 ޤައުމެއްގެ ފަސްޓް ލޭޑީސް ބައިވެރިވެ ވަޑައިގެންނެވިއެވެ. މި ސަމިޓުގައި މައިގަނޑު ގޮތެއްގައި މަޝްވަރާކުރެވިފައިވަނީ ދަރިމައިވުމުގެ ސިއްޙަތާ ގުޅުންހުރި ތަޢައްޞަބުތައް ނައްތާލުމާއި، އަންހެންކުދީންނަށް ތަޢުލީމުދިނުމަށް އެއްބާރުލުންދިނުމާއި، އަންހެނުން ބާރުވެރިކުރުމާއި، ޞިއްޙީ ދާއިރާގެ މާހިރުން ލިބުމުގައި ހުރި ދަތިކަން ފޫބެއްދުމަށްޓަކައި، އެ ދާއިރާއިން ޤާބިލުކަން އިތުރުކުރުމުގެ މައްޗަށެވެ.
