ވެލާނާ އިންޓަނޭޝަނަލް އެއާޕޯޓް (ވީއައިއޭ) ގައި ޓޯ-ބަލެސް ވެހިކަލްގެ ހިދުމަތް ފެށުމުގެ ފަހުގެ ތައްޔާރީތައްވާން ފަށައިފިއެވެ.
ވީއައިއޭ ހިންގާ މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން ބުނީ އިންޑަސްޓްރީ-ސްޓޭންޑަޑްގެ ޓޯ-ބަލެސް ވެހިކަލް ބޭނުންކުރުމުގެ އެންމެ ފަހުގެ ތައްޔާރީތައްވާން ފަށާފައިވާކަމަށެވެ.
We are in the final stages of preparation for the operation of industry-standard towbarless vehicles for aircraft towing at Velana International Airport. This equipment represents the gold standard in efficiency and safety for towing aircraft from the apron to the runway. Eight… pic.twitter.com/vzLl3EqWpL
— Maldives Airports Company Ltd (@MACLmedia) June 16, 2025
މި ވެހިކަލް އޮޕަރޭޓްކުރާނެ 8 މުވައްޒަފުން ތަމްރީނުކޮށް ފައިނަލް ރިސްކް އެސެސްމަންޓަށް ތައްޔާރުވެފައިވާ ކަމަށްވެސް އެމްއޭސީއެލް އިން ބުނެފައިވެ އެވެ.
ޓޯ-ބަލެސް ވެހިކަލް ބޭނުންކުރަން ފެށުުން އޮޕަރޭޝަން އެފިޝިއަންސީ 60 ޕަސެންޓް އިތުރުވާނެ ކަމަށާއި އަދި މިހާރު ބޭނުންކުރާ މިފަދަ ވެހިކަލްތަކާ ހިލާފަށް އަލަށް ބޭނުންކުރާ ޓީޕީއެކްސް-200 އެމްޓީއެކްސް މޮޑެލްގެ ވެހިކަލްގައި ޑްރައިވަރަށް ވަށައިގެންވާ މާހައުލު ސާފުކޮށް ފެންނާނެކަމަށް އެ ކުންފުނިން ބުނެފައިވެއެވެ.
ޓޯ-ބަލެސް ވެހިކަލްއަކީ އެއާޕޯޓްގެ އޭޕްރަން އިން ރަންވޭއަށް ފްލައިޓް ގެންދަން ބޭނުންކުރާ ވެހިކަލް އެކެވެ. އަދި މިއީ ކޯޑް "ސީ" ގެ މަތިންދާ ބޯޓުން ފެށިގެން ކޯޑް "އީ" ގެ ހުރިހާ މަތިންދާބޯޓުތަކަށްވެސް ހިދުމަތް ދެވޭނެ ވެހިކަލްއެކެވެ.
