ކުޅުދުއްފުށި ސިޓީގެ ޓެކްނިކަލް އެޑިއުކޭޝަން އެންޑް ވޮކޭޝަނަލް ޓްރެއިނިންގ ސެންޓަރ އަދި ދަނާލު އެޅުމުގެ މަޝްރޫއުގެ ބިންގާ އިއްޔެ އަޅައިފިއެވެ.
މިކަމަށްޓަކައި އިއްޔެ ބޭއްވި ޚާއްޞަ ރަސްމިއްޔާތެއްގައި ކުޅުދުއްފުށި ސިޓީގެ ޓެކްނިކަލް އެޑިއުކޭޝަން އެންޑް ވޮކޭޝަނަލް ޓްރެއިނިންގ ސެންޓަރ އަދި ދަނާލު އެޅުމުގެ މަޝްރޫއުގެ ބިންގާ އަޅުއްވައިދެއްްވީ މަތީ ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ ވަޒީރު، ޑރ. އަލީ ހައިދަރެވެ.
އާރުޑީސީއާ ހަވާލު ކުރައްވައިގެން ސަރުކާރުން ކުރިޔަށް ގެންދަވާ ކުޅުދުއްފުށި ސިޓީގެ ޓެކްނިކަލް އެޑިއުކޭޝަން އެންޑް ވޮކޭޝަނަލް ޓްރެއިނިންގ ސެންޓަރ އަދި ދަނާލު އެޅުމުގެ މަޝްރޫއުގެ ބިންގާ މިއަދު ވަނީ އަޅާފައެވެ. ބިންގާ އަޅުއްވައިދެއްްވީ މަތީ ތަޢުލީމާއި މަސައްކަތްތެރިކަމާއި ހުނަރުތައް… pic.twitter.com/BWiFjZQgDy
— Road Development Corporation Ltd (@rdcmaldives) May 28, 2025
މިއީ ސަރުކާރުން ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) އާ ހަވާލުކޮށްގެން ކުރިއަށްގެންދާ މަސައްކަތެކެވެ.
އާރުޑީސީން ދަނީ ކުޅުދުއްފުށީގެ މަގުތައް ޒަމާނީ ފެންވަރަށް ތަރައްޤީކުރުމުގެ މަޝްރޫޢުގެ މަސައްކަތްވެސް ކުރަމުންނެވެ. މިގޮތުން މި މަޝްރޫޢުގެ %83 އަށްވުރެ ބޮޑު ބައި ނިމިފައިވާ ކަމަށް އެ ކޯޕަރޭޝަނުން ހާމަކުރެއެވެ.
