ވޮލީބޯޅަ ރެފްރީން ތަމްރީން ކުރުމުގެ ޚާއްޞަ ޕުރޮގުރާމެއް ފަށައިފި

ވޮލީބޯޅަ ރެފްރީން ތަމްރީން ކުރުމުގެ ޚާއްޞަ ޕުރޮގުރާމެއް ފަށައިފި
ވޮލީބޯޅަ ރެފްރީން ތަމްރީން ކުރުމުގެ ޚާއްޞަ ޕްރޮގުރާމެއް ކުޅިވަރާއި ހަށިހެޔޮކަމާ ބެހޭ ވުޒާރާއިން ފަށައިފިއެވެ. މިއީ ކުޅިވަރުގެ ދާއިރާއިން ޒުވާނުން ތަމްރީނުކޮށް ކުރިއެރުވުމުގެ ގޮތުން އެ ވުޒާރާއިން ރާވާ ހިންގާ ޕްރޮގްރާމްތަކުގެ ތެރެއިން ޕްރޮގްރާމެކެވެ. މި މަހުގެ 26 ވަނަ ދުވަހުން ފެށިގެން އަންނަ ޖޫން މަހުގެ 24ގެ ނިޔަލަށް ކުރިއަށްދާ މި ކޯހަކީ ކުޅިވަރާއި ހަށިހެޔޮކަމާ ބެހޭ ވުޒާރާގެ ބެލެނިވެރިކަމުގެ ދަށުން ހިންގަމުން އަންނަ، މޯލްޑިވްސް ނޭޝަނަލް އިންސްޓިޓިއުޓް އޮފް ސްޕޯޓްސް (އެމްއެންއައިއެސް) އާއި، ވޮލީބޯޅަ އެސޯސިއޭޝަން އޮފް މޯލްޑިވްސް އާ ގުޅިގެން ކުރިއަށް ގެންދާ ކޯހެކެވެ. މި ޕުރޮގުރާމުގައި ޚާއްޞަ 19 ބައިވެރިން ބައިވެރިވިއެވެ. ކޯސް ހުޅުވުމުގެ ރަސްމިއްޔާތުގައި ބައިވެރިވެވަޑައިގެން ދެއްކެވި ވާހަކަފުޅުގައި އެ ވުޒާރާގެ ޑެޕިއުޓީ މިނިސްޓަރު ފާތިމަތު ފަޒްލާ ވަނީ ޤައުމުގައި ވޮލީބޯޅައިގެ އަސާސީ ތަރައްޤީ އިތުރަށް ހަރުދަނާ ކުރުމަށްޓަކައި ޤައުމީ އިސްނެގުމެއްގެ ތެރެއިން ރެފްރީން ތަމްރީނު ކުރުމުގެ އިސްތިރާޖީ މުހިންމުކަމަށް އަލިއަޅުއްވާލައްވައިފައެވެ. މި ތަމްރީނު ކޯހުގައި ވޮލީބޯޅަ ރެފްރީސް ކޮމިޝަންގެ ޗެއާޕާސަން އަލްފާޟިލް ޙުސައިން ހަމީދާއި އެމަނިކުފާނުގެ ޓީމާއެކު ހުންނަވާނެއެވެ. މިއީ ޤައުމީ ފެންވަރެއްގައި އޮފިޝަލް ކުރުމަށް ބޭނުންވާ މުހިންމު ޢިލްމާއި ހުނަރު ބައިވެރިންނަށް ފޯރުކޮށްދިނުމަށް ފަރުމާކޮށްފައިވާ ޕުރޮގުރާމެކެވެ.

ރިއެކްޓް އަދި ކޮމެންޓް ކުރެއްވުމަށް

ކޮމެންޓް ކުރެއްވުމަށް

ގުޅޭ ލިޔުންތައް