ތައުލީމީ ދާއިރާއިން އެއްބާރުލުން އިތުރުކުރުމާއި ގުޅިގެން ބްރިޓިޝް ހައިކޮމިޝަނަރއާއި މިނިސްޓަރ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓް ޑރ. ޢަލީ ޙައިދަރު އަޙްމަދު ބައްދަލު ކުރައްވައިފިއެވެ.
މި މަޝްވަރާތައްކުރެވުނީ، ބްރިޓިޝް ހައި ކޮމިޝަނަރ އެޗް.އީ ނިކް ލޯ ރާއްޖެއަށް ކުރައްވާ ރަސްމީ ދަތުރުފުޅުގައި މިއަދު ހެނދުނު މިނިސްޓަރ ޑރ. ޢަލީ ޙައިދަރު އަޙްމަދަށް ކުރެއްވި އިޙްތިރާމުގެ ޒިޔާރަތެއްގައެވެ.
The British High Commissioner H.E Nick Low paid a courtesy call on Minister Dr. Ali Haidar Ahmed, this morning. During the call they had a constructive discussion on enhancing collaboration in the areas of higher education & skills development - 1/3 pic.twitter.com/ENzctvBSta
— Min. of Higher Edu, Labour and Skills Development (@MoHEmv) May 14, 2025
މި ބައްދަލުކުރެއްވުމުގައި ރާއްޖެއާއި ޔޫކޭއާ ދެމެދު މަތީ ތަޢުލީމާއި ޒުވާނުންގެ ހުނަރު ތަރައްޤީކުރުމުގެ ދާއިރާތަކުން އެއްބާރުލުން އިތުރުކުރުމާ ގުޅޭގޮތުން މަޝްވަރާކުރެވުނެވެ. އަދި ޓީވެޓް ޕްރޮގްރާމްތަކަށް ސްކޮލަރޝިޕް ފުރުސަތުތައް ހޯދުމާއި، ޓީވެޓް މުއައްސަސާތަކާއި ސަރުކާރުގެ އިދާރާތަކުގެ މެދުގައި ގުޅުން ބަދަހިކުރުމާއި ގުޅިގެންވެސް މަޝްވަރާކުރެވުނެވެ.
އަދި މުވައްޒަފުންނާއި ދަރިވަރުންނަށް ދެ ގައުމު ގުޅިގެން ހޯދައިދެވިދާނެ ފުރުޞަތުތަކާ ގުޅިގެން މަޝްވަރާކުރެވުނު ކަމަށް މިނިސްޓްރީން މައުލޫމާތުދެއެވެ. މީގެ އިތުރުން، ފެންވަރު ރަނގަޅު ޓީވެޓް ޕްރޮގްރާމްތައް ބެންޗްމާކްކުރުމާއި، ރިސާރޗް މަސައްކަތްތަކުގައި އެއްބާރުލުން އިތުރުކުރުމާއި، ޖޮއިންޓް ޑިގްރީ ފަދަ ޕްރޮގްރާމްތައް ހިންގިދާނެގޮތްތަކާމެދުވެސް ވަނީ މަޝްވަރާކޮށްފައެވެ.
