ދ.ކުޑަހުވަދޫގެ މަގުތައް ޒަމާނީ ފެންވަރަށް ތަރައްޤީކުރުމަށް ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) އިން ފަށާފައިވާ މަސައްކަތްތައް ހަމަޖެހިފައިވާ ތާވަލާ އެއްގޮތަށް ކުރިއަށްދާކަމަށް އެކުންފުނިން ބުނެފިއެވެ.
ކުދަހުވަދޫ މަގުތައް ތަރައްޤީކުރުމަށް ކުރަމުންގެންދާ މަސައްކަތުގެ އެންމެ ފަހުގެ މައުލޫމާތު އެކްސްގައި ހިއްސާކުރަމުން އެ ކުންފުނިން ބުނީ، އެރަށު އޯކިޑް މަގުގައި ކާރބް ސްޓޯން ޖެހުމުގެ މަސައްކަތާއި މަގު ލެވެލް ކުރުމުގެ މަސައްކަތް ކުރަމުން އަންނަކަމަށެވެ.
ދ. ކުޑަހުވަދޫގައި ޒަމާނީ ފެންވަރަށް ތަރައްޤީ ކުރަމުން އަންނަ މަގުތަކުގެ ތެރެއިން، އޯކިޑް މަގުގައި ކާރބް ސްޓޯން ޖެހުމުގެ މަސައްކަތާއި މަގު ލެވެލް ކުރުމުގެ މަސައްކަތް އަންނަނީ ކުރަމުން.#TeamRDC pic.twitter.com/yyZ6jRekax
— Road Development Corporation Ltd (@rdcmaldives) May 13, 2025
އާރުޑިސީން ވަނީ މީގެ ކުރިން އެރަށު ދޮށިމޭނާ މަގުގައި ސްޓޯމް ވޯޓާ ލައިން އެޅުމުގެ މަސައްކަތްކޮށްފައެވެ. އަދި ސްޓޯމް ވޯޓާ ޓޭންކް ބެހެއްޓުމުގެ މަސައްކަތްތައް ވެސް ވަނީ ކޮށްފައެވެ.
އާރުޑީސީން ދަނީ ރަށްރަށުގެ ހުއްޓިފައިވާ މަގުތައް ހެދުމުގެ މަސައްކަތާއި ނަރުދަމާގެ މަސައްކަތްތައް ކުރަމުންނެވެ. މި ސަރުކާރު ވެރިކަމާއި ހަވާލުވިއިރު ގިނަ އަދަދެއްގެ ރަށްރަށުގެ އުމްރާނީ މަސައްކަތްތައް ހުއްޓިފައިވާއިރު، ސަރުކާރުން މިހާރު ގެންދަނީ ހުއްޓިފައިހުރި ގިނަ މަޝްރޫޢުތަކުގެ މަސައްކަތްތައް ފެށުމަށް ތައްޔާރުވަމުންނެވެ.
