މޯލްޑިވްސް އިމިގްރޭޝަންގެ ރަސްމީ އޮންލައިން ޕޯޓަލް "އިމުގާ" ގެ ނަމުގައި ފޭކް ވެބްސައިޓްތަކެއް އުފައްދައި ދައުރުކުރަމުންދާތީ، މިކަމަށް ސަމާލުވުމަށް މޯލްޑިވްސް އިމިގްރޭޝަނުން އިލްތިމާސްކުރައްވައިފިއެވެ.
މިކަން އިއުލާނުކުރައްވައި މޯލްޑިވްސް އިމިގްރޭޝަނުން ކުރި ޕޯސްޓެއްގައި ވިދާޅުވީ، ފޭކް ނޫނީ ތާޑް ޕާޓީ ވެބްސައިޓްތައް ބޭނުން ނުކުރުމަށާއި ޓްރެވެލް ޑިކްލަރޭޝަން ފޯމަކީ ހިލޭ ލިބޭ ފޯމެއްކަން އާންމުންނަށް އަންގާފައިވާނެކަމަށެވެ.
‼ Fake IMUGA websites alert!
Avoid using fake or third-party websites. The Traveller Declaration form is completely FREE.
Visit the official website:
👉 https://t.co/0FPCd0pNYC@MoTmv @mmprc_corporate @visitmaldives @matatoMV @PoliceMv @HomeMinistrymv @matimaldivesmv pic.twitter.com/DYAYx1rOdB— Maldives Immigration (@ImmigrationMV) May 8, 2025
އިމިގްރޭޝަނުން ދެމުންދާ ގިނަ ޚިދުމަތްތަކެއް މިހާރު ދެމުން އަންނަނީ "އިމުގާ" ޕޯޓަލް މެދުވެރިކޮށެވެ. މީގެ ތެރޭގައި ދިވެހި ޕާސްޕޯޓަށް އެދި ހުށަހެޅުމުގެ ޚިދުމަތްވެސް ހިމެނެއެވެ. ނަމަވެސް، މި ޕޯޓަލްގެ ނަމުގައި އުފައްދާފައިވާ ނަކަލު ވެބްސައިޓްތަކުން އާންމުންގެ މަޢުލޫމާތު ހޯދައި، އޮޅުވާލުމުގެ މަސައްކަތް ކުރަމުންދާކަން ފާހަގަކުރެވިފައިވެއެވެ.
