އިސްލާމިކް ކޯޕަރޭޝަން (އޯއައިސީ)ގެ ސެކްރެޓަރީ ޖެނެރަލް އަލްފާޟިލް ހިސެއިން ބްރާހިމް ޠާހާ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އަރިހަށް އިޙުތިރާމުގެ ޒިޔާރަތެއް ކުރައްވައިފިއެވެ.
މި ބައްދަލުކުރެއްވުމުގައި، ދިވެހިރާއްޖެއަށް އޯއައިސީން ދެއްވަމުން ގެންދަވާ އެހީތެރިކަމާއި ވަރުގަދަ ލީޑަރޝިޕަށް ރައީސުލްޖުމްހޫރިއްޔާ ޝުކުރު އަދާކުރެއްވިއެވެ. އަދި އޯއައިސީއާއެކު ގާތުން މަސައްކަތްކުރުމަށް ސަރުކާރުން ފުރިހަމައަށް އެއްބާރުލުން ދެއްވާނެކަމަށް ރައީސްވަނީ ވިދާޅުވެފައެވެ.
ސެކްރެޓަރީ ޖެނެރަލް ހިސެއިން ބްރާހިމް ޠާހާ ވިދާޅުވީ، ދިވެހިރާއްޖެއަކީ އޯއައިސީގެ އެންމެ ފާހަގަކޮށްލެވޭ މެމްބަރު ޤައުމުތަކުގެ ތެރެއިން އެއް ޤައުމުކަމަށާއި، ރާއްޖޭގައި ޤާއިމްކޮށްފައިވާ މުއައްސަސާތަކާމެދު ފަޚުރުވެރިވާކަމަށެވެ.
ބައްދަލުކުރެއްވުން ނިންމަވާލެއްވުމުގެ ކުރިން، އިސްލާމީ އުންމަތުގެ މަންފާއަށްޓަކައި އެކުގައި މަސައްކަތްކުރުމަށް ދެ ފަރާތުންވެސް އެއްބަސްވެވަޑައިގެންނެވިއެވެ.
