މުޖުތަމައުގެ ހާއްސަ އެހީތެރިކަން ބޭނުންވާ ފަރާތްތަކަށް މާލީ އެހީތެރިކަން ފޯރުކޮށްދޭ މަޝްރޫއެއް މިއަދު ފަށައިފި

"އިގްތިސާދަށް އިންގިލާބީ، ބޮޑު ބަދަލެއް ގެނައުމަށް މި އަންނަނީ މަސައްކަތް ކުރަމުން. އަޅުގަނޑުމެންގެ އަމާޒަކީ ރާއްޖެގައި ކާމިޔާބު ފައިނޭންޝަލް ސެންޓަރެއް ގާއިމްކުރުން. އެ ސެންޓަރުގެ ތެރެއިން އިސްލާމިކް ފައިނޭންސް ފުޅާކުރުމަށް ހާއްސަ އިސްކަމެއް ދޭނަން،" އެމަނިކުފާނު ވިދާޅުވި އެވެ.

President Dr @MMuizzu attends the launching ceremony of the Maldives Islamic Social Finance Initiative. The initiative is part of his Administration’s strategic commitment to promote Islamic Finance in the Maldives and represents a significant milestone in incorporating social… pic.twitter.com/VgmazBOm7r

— The President's Office (@presidencymv) May 7, 2025

މި ރަސްމިއްޔާތުގައި ވާހަކަފުޅު ދައްކަވަމުން، އެމްއެމްއޭގެ ގަވަރުނަރު އަހުމަދު މުނައްވަރު ވިދާޅުވީ، މި މަޝްރޫއަކީ މެލޭޝިއާގެ "ސަދަގާ ހައުސް ބޭންކް އިސްލާމް" ގެ މޮޑެލްއަށް ބިނާކޮށް ފަރުމާކުރެވިފައިވާ މަޝްރޫއެއް ކަމަށެވެ. އަދި މި މަޝްރޫއުގެ ސަބަބުން މުޖުތަމައުގެ މާލީ ހަމަހަމަކަން އިތުރުވެ، އިގްތިސާދީ ތަރައްގީގައި އެންމެންގެ ބައިވެރިވުން އިތުރުވެގެންދާނެ ކަމަށް ވެސް ވިދާޅުވި އެވެ.

"އެމްއެމްއޭ ތަންވީލް ޕްރޮޖެކްޓް މިހާރު ވަނީ ފަށާފައި. އޭގެ ބޭނުމަކީ އާންމުން ހޭލުންތެރިކޮށް، އިންސްޓިޓިއުޓްތަކުގެ ކެޕޭސިޓީ އިތުރު ކުރުމަށް މަސައްކަތް ކުރުން،" ގަވަރުނަރު ވިދާޅުވި އެވެ.