ރާއްޖޭގައި ހިނގާ ގިނަ ނުރަނގަޅު ކަންކަމުގެ އަސްލަކީ ރިޔާސީ ނިޒާމްކަމަށް ކުރީގެ ރައީސުލްޖުމްހޫރިއްޔާ މުޙައްމަދު ނަޝީދު ވިދާޅުވެއްޖެއެވެ.
އެމަނިކުފާނުގެ އެކްސް އެކައުންޓުގައި ކުރެއްވި ޕޯސްޓެއްގައި ރައީސް ނަޝީދު ވިދާޅުވީ، ރާއްޖޭގެ ގިނަ ނުރަނގަޅު ކަންކަމުގެ އަސްލަކީ ރިޔާސީ ނިޒާމުގެ ވެރިކަން ކަމަށާއި، އެއީ ވަކި ވެރިއެއްގެ މައްސަލައެއް ނޫން ކަމަށެވެ.
Alhugandah fenna gothugai Raajjeyge varah gina nurangalhu kan kamuge aslakee Riyaasee Nizaam ge verikan. Vaki veri ehge massala eh noon. Parliamentary nizaam aai preferential (gina vote dhevey) voting ah badhalu vevijje nama ethah kameh islaahu vaane kamah dheken.
— Mohamed Nasheed (@MohamedNasheed) May 4, 2025
އަދި ޕާލަމަންޓަރީ ނިޒާމާއި ޕްރިފަރެންޝަލް (ގިނަ ވޯޓު ދެވޭ) ވޯޓިންގ އަށް ބަދަލުވެއްޖެނަމަ، އެތައް ކަމެއް އިޞްލާޙުވާނެ ކަމަށް ދެކެވަޑައިގަންނަވާކަމަށްވެސް ރައީސް ނަޝީދު ވިދާޅުވިއެވެ.
ބަރުލަމާނީ ނިޒާމަށް އަބަދުވެސް ތާއީދުކުރައްވާ ނަޝީދަކީ މިދިޔަ ރައްޔިތުންގެ މަޖިލީހުގައިވެސް އެ ނިޒާމު ގެންނެވުމަށް މަސައްކަތް ކުރެއްވި ބޭފުޅެއްކަން ފާހަގަކުރެވެއެވެ.
