ށ. މިލަންދޫގައި އައިޑީކާޑް ދޫކުރަން ފަށައިފިކަމަށް ޑިޕާޓްމަންޓް އޮފް ނެޝަނަލް ރަޖިސްޓްރޭޝަނުން (ޑީއެންއާރ) ހާމަކޮށްފިއެވެ.
އެކަން ހާމަކޮށް ޑީއެންއާރއިން ބުނެފައިވަނީ، އައިޑީ ކާޑުގެ ޚިދުމަތް މިލަންދޫގައި ފެށުމާއެކު ރަށުގައި ތިބެގެން އައިޑީ ކާޑު ހެއްދުމުގެ މަގު ރައްޔިތުންނަށް ފަހިވެގެންދާނެ ކަމަށާއި މިއާއެކު ކާޑު ހައްދަން އެދޭތާ 24 ގަޑިއިރުގެ ތެރޭގައި އެ ރަށުގެ ރައްޔިތުންނަށް ކާޑު ލިބި، އައިޑީ ކާޑުގެ ޚިދުމަތް އަވަސްވެ، ހަރުދަނާވެގެންދާނެ ކަމަށެވެ.
ރާއްޖޭގައި މީހުން ދިރިއުޅޭ ކޮންމެ އަތޮޅަކުން ނުވަތަ އަތޮޅުވެރިކަން ކުރާ ރަށަކުން އައިޑީ ކާޑު ޕްރިންޓުކޮށް ދޫކުރުމުގެ ޚިދުމަތަކީ ސަރުކާރުގެ މުހިންމު ސިޔާސަތަކަށްވާއިރު، އައިޑީކާޑު ޕްރިންޓްކޮށް ދޫކުރުމުގެ ޚިދުމަތް ރައްޔިތުންނާ ގާތުން ދިނުމުގެ މަސައްކަތް ފައްޓަވާފައިވަނީ މިދިޔަ އަހަރުގެ ނޮވެންބަރު މަހުގެ ތެރޭގައެވެ.
ID card printing is now available at Sh. Milandhoo Council! Residents of Milandhoo can now receive their ID cards within 24 hours right from the island. pic.twitter.com/KbQh5gDKi9
— Department of National Registration (@dnrmaldives) April 21, 2025
އެންމެ ފުރަތަމަ މާލެ ސަރަޙައްދުން ބޭރުން މިޚިދުމަތް ޤާއިމުކޮށްފައިވަނީ ގއ. ވިލިނގިލީގައެވެ.
