ރާއްޖޭގެ ގައުމީ އެއާލައިން މޯލްޑިވިއަން އަށް 25 އަހަރު ފުރުމާ ގުޅިގެން ހިންގާ ހަރަކާތްތަކުގެ ތެރޭގައި ހިމެނޭ މައި އިނާމެއްގެ ގޮތުގައި ޝެންހާއި ޑިޒްނީލޭންޑުގެ ދަތުރެއް ހިމެނޭހެން ފަސް އިނާމު ހިމެނޭ ބޮޑު ގިވްއަވޭއެއް ފަށައިފިއެވެ.
އެގޮތުން، މި ގިވްއަވޭގައި އެންމެ މަތީ އިނާމުގެ ގޮތުގައި ދެ މީހަކަށް ޝެންހާއި ޑިޒްނީލޭންޑުގެ ދަތުރެއް ހަމަޖައްސާފައިވާއިރު، ދެވަނަ އިނާމުގެ ގޮތުގައި ޗައިނާގެ ދެކޮޅު ޓިކެޓެއް ވަނީ ހަމަޖައްސާފައިވެ އެވެ.
We're turning 25 - and the celebration is all about YOU!
Stand a chance to WIN our grand anniversary prizes as we mark 25 years in the skies!Here's how to enter:
✈️ Travel with us between April 13-25, 2025
📸 Snap a creative photo of your Maldivian boarding pass (date must be… pic.twitter.com/2beBW21rAx
— MaldivianAero (@MaldivianAero) April 13, 2025
އަދި ތިންވަނަ އިނާމުގެ ގޮތުގައި މި މަހުގެ 27 އާއި 30 އާ ދެމެދު މެލޭޝިއާ އަށް ކުރާ ހާއްސަ ދަތުރުގެ ދެކޮޅު ޓިކެޓެއް ދޭން ހަމަޖައްސާފައިވާއިރު، ހަތަރުވަނަ އިނާމުގެ ގޮތުގައި އިންޑިއާގެ ކޮޗިން ނުވަތަ ޗެންނާއީގެ ދެކޮޅު ޓިކެޓެއް ވަނީ ހަމަޖައްސާފައެވެ. އަދި ފަސްވަނަ އިނާމުގެ ގޮތުގައި ރާއްޖޭގެ އެތެރޭގެ ބޭނުން މަންޒިލަކަށް ދިއުމަށް ބޭނުންވާ ދެކޮޅު ޓިކެޓެއް ހިމަނާފައިވެ އެވެ.
މޯލްޑިވިއަނުން ބުނާގޮތުގައި، މި ގިވްއަވޭގައި ބައިވެރިވުމުގެ ފުރުސަތު މި މަހުގެ 25 ވަނަ ދުވަހުގެ ނިޔަލަށް ހުޅުވާލާފައިވާއިރު، ބައިވެރިވެވޭނީ މޯލްޑިވިއަންގެ ފޭސްބުކް، ޓުވިޓާ އަދި އިންސްޓަގްރާމް ޕޭޖު ފޮލޯކޮށް، ގިވްއަވޭ ޕޯސްޓަށް ތިން ރަށްޓެހިން ޓެގުކޮށް "Maldivian25Years#" ހޭޝްޓެގު ކޮމެންޓު ކުރުމުންނެވެ.
މޯލްޑިވިއަންގެ މި ގިވްއަވޭ ޕޯސްޓު އެ ކުންފުނީގެ ހުރިހާ ސޯޝަލް މީޑިއާ ޕްލެޓްފޯމްތަކުން ފެންނަން ހުންނާނެ ކަމަށް އެ ކުންފުނިން މައުލޫމާތު ދީފައިވެ އެވެ.
