ށ. އަތޮޅުގައި އައިޑީކާޑް ދޫކުރަން ފަށައިފިކަމަށް ޑިޕާޓްމަންޓް އޮފް ނެޝަނަލް ރަޖިސްޓްރޭޝަނުން (ޑީއެންއާރ) ހާމަކޮށްފިއެވެ.
އެގޮތުން، ށ. އަތޮޅު ކައުންސިލުގައި ބޭއްވި ރަސްމިއްޔާތެއްގައި މި ޚިދުމަތް ރަސްމީކޮށް ފަށާފައިވާއިރު، މި އަތޮޅާއެކު ރާއްޖޭގެ 17 ރަށަކުން މިހާރު އައިޑީކާޑް ޕްރިންޓްކޮށް ދޫކުރުމުގެ ޚިދުމަތް ދެވިއްޖެކަމަށް އެ ޑިޕާޓްމަންޓުން ބުނެފައިވެއެވެ.
އަދި އަންނަ ހަފްތާ ތެރޭގައި ށ. މިލަންދޫގައި ޚިދުމަތް ފެށުމަށް ތައްޔާރުވަމުންދާކަމަށްވެސް ޑީއެންއާރުން މައުލޫމާތުދެއެވެ.
We are pleased to announce that ID card printing services have been extended to the Shaviyani Atoll Council. The Council will now manage the printing and distribution of ID cards for all islands within the Shaviyani Atoll. pic.twitter.com/eBvbZypcHI
— Department of National Registration (@dnrmaldives) April 16, 2025
ރާއްޖޭގައި މީހުން ދިރިއުޅޭ ކޮންމެ އަތޮޅަކުން ނުވަތަ އަތޮޅުވެރިކަން ކުރާ ރަށަކުން އައިޑީ ކާޑު ޕްރިންޓުކޮށް ދޫކުރުމުގެ ޚިދުމަތަކީ ސަރުކާރުގެ މުހިންމު ސިޔާސަތަކަށްވާއިރު، އައިޑީކާޑު ޕްރިންޓްކޮށް ދޫކުރުމުގެ ޚިދުމަތް ރައްޔިތުންނާ ގާތުން ދިނުމުގެ މަސައްކަތް ފައްޓަވާފައިވަނީ މިދިޔަ އަހަރުގެ ނޮވެންބަރު މަހުގެ ތެރޭގައެވެ.
އެންމެ ފުރަތަމަ މާލެ ސަރަޙައްދުން ބޭރުން މިޚިދުމަތް ޤާއިމުކޮށްފައިވަނީ ގއ. ވިލިނގިލީގައެވެ.
