ޓިކްޓޮކް މެދުވެރިކޮށް އާމްދަނީ ހޯދިދާނެ ގޮތްތަކާ ގުޅޭގޮތުން ޓިކްޓޮކް އިން ރާއްޖެ އައި އިސް ވަފުދަކާ މަޝްވަރާކޮށްފިއެވެ.
ދުނިޔޭގެ އެންމެ މަޝްހޫރު އެއް މީސްމީޑިއާ މަންސަ ކަމަށްވާ ޓިކްޓޮކްގެ އިސް ވަފުދެއް ރާއްޖެ ވަޑައިގެންފިކަމަށާއި، އިޤުތިޞާދީ ތަރައްޤީއާއި ވިޔަފާރިއާ ބެހޭ ވުޒާރާއަށް އެ ވަފުދު ވަޑައިގެންފައިވާ ކަމަށް އެވުޒާރާއިން ބުނެފައިވެއެވެ.
އަދި ޑިޖިޓަލް ވަސީލަތްތައް ބޭނުންކޮށްގެން އާމްދަނީ ހޯދިދާނެ މަގުތައް ހުޅުވުމަށްޓަކައި ޓިކްޓޮކާ ގުޅިގެން ކުރެވިދާނެ ކަންތައްތަކާ ގުޅޭގޮތުން ޓިކްޓޮކާ މަޝްވަރާކުރަމުން ގެންދާކަމަށާއި، އުފެއްދުންތެރި އިޤުތިޞާދެއް ބިނާކުރުމަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ މެނިފެސްޓޯގައި ހިމަނުއްވާފައިވާ މުހިންމު ވަޢުދުފުޅެއްކަން އެ ވުޒާރާއިން ފާހަގަކުރެއެވެ.
The TikTok’s senior delegation is with us today in the Maldives. We are working on possible collaboration with this popular global social media network to unlock new avenues for digital monetization. Building a thriving creative economy is a key pledge of President Dr. Muizzu in… pic.twitter.com/37qtSIJQAZ
— Ministry of Economic Development and Trade (@MoEDmv) April 15, 2025
ޓިކްޓޮކަކީ ރާއްޖޭގައިވެސް ގިނަ ބަޔަކު ބޭނުންކުރަމުންދާ، އެންމެންގެ މެދުގައިވެސް ވަރަށް މަޤްބޫލް މަންސަކަށްވާއިރު، ޓިކްޓޮކްގައި އުޅޭ ބައެއް ދިވެހީންވެސް ދަނީ އެ މަންސަ މެދުވެރިކޮށް ކޮންޓެންޓް އުފައްދައި، އާމްދަނީ ހޯދަމުންނެވެ.
