ވެލާނާ އިންޓަރނޭޝަނަލް އެއަރޕޯޓަށް 59 އަހަރު ފުރުމާއި ގުޅިގެން ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ތަހުނިއްޔާ ފޮނުއްވައިފިއެވެ.
އެމަނިކުފާނުގެ ސޯޝަލް މީސްމީޑިއާގައި ކުރެއްވި ޕޯސްޓެއްގައި ރައީސް ވަނީ މޯލްޑިވްސް އެއަޕޯޓްސް ކޮމްޕެނީ ލިމިޓެޑްގެ އެހާރާއި މިހާރުގެ ހުރިހާ ޚިދުމަތްތެރީންނަށް ޝުކުރު ދަންނަވައި މި ފެށުނު އައު އަހަރަކީ އެުފާވެރި އަހަރަކަށް ވުމަށް އެދިވަޑައިގަންނަވާކަމަށް ވިދާޅުވެފައެވެ.
59 އަހަރުގެ ޤައުމީ ޚިދުމަތުގެ އަގު ވަޒަންކޮށް، އެމް.އޭ.ސީ.އެލްގެ އެހާރާއި މިހާރުގެ ހުރިހާ ޚިދުމަތްތެރީންނަށް ޝުކުރު ދަންނަވައި، އުފާވެރި އަހަރީ ދުވަހަކަށް އެދެން pic.twitter.com/xNeVZLhcjJ
— Dr Mohamed Muizzu (@MMuizzu) April 12, 2025
ވީއައިއޭގެ 59 ވަނަ އަހަރީ ދުވަސް ފާހަގަކުރުމަށް އެތަނުގައި ބޭއްވި ރަސްމިއްޔާތުގައި އެ ކުންފުނީގެ އިސްވެރިންނާއި މުވައްޒަފުންނާއި އަދި ބައެއް ސްޓޭކްހޯލްޑަރުން ވަނީ ބއިވެރިވެވަޑައިގެންފައެވެ. އަދި އަހަރީ ދުވަހުގެ މުނާސަބަތުގައި ދިދަ ނެގުމުގެ ރަސްމިއްޔާތެއްގެ އިތުރުން އެކުވެރިކަމުގެ ހިނގާލުމެއްގައިވެސް ވަނީ ކުރިއަށްގެންގޮސްފައެވެ.
