އެސްޕަޔަރ ޕްރޮޖެކްޓްގެ ދަށުން ރާއްޖޭގެ މީހުން ދިރިއުޅޭ 18 ރަށެއްގައި 38 މެގަވޮޓްގެ ބެޓެރީ އެނަރޖީ ސްޓޯރޭޖް ސިސްޓަމެއް ޤާއިމްކުރުމުގެ އެއްބަސްވުމުގައި މިނިސްޓްރީ އޮފް ޓުއަރިޒަމް އެންޑް އެންވަޔަރަންމަންޓުން ސޮއިކޮށްފިއެވެ.
މިކަމަށްޓަކައި މިއަދު ބޭއްވި ރަސްމިއްޔާތެއްގައި ޖޮއިންޓް ވެންޗަރގެ ފަރާތުން އެއްބަސްވުމުގައި ސޮއިކުރެއްވީ ކޭއީ އިލެކްޓްރިކްގެ ޖެނެރަލް މެނޭޖަރ، ވެންގް ޔޮންގް އެވެ. އަދި މިނިސްޓްރީ އޮފް ޓުއަރިޒަމް އެންޑް އެންވަޔަރަންމަންޓުގެ ފަރާތުން ސޮއިކުރެއްވީ މިނިސްޓަރު، ޠާރިޤު އިބްރާހީމެވެ.
The Ministry of Tourism and Environment has signed an agreement to install a 38 MWh Battery Energy Storage System in 18 inhabited islands of the Maldives under the ASPIRE Project. This initiative will save approximately 8.4 million liters of diesel and 125 million MVR annually. pic.twitter.com/Dwcs75HmBV
— Ministry of Tourism and Environment (@MoTmv) April 7, 2025
މި މަސައްކަތުގެ ސަބަބުން ގާތްގަނޑަކަށް 8.4 މިލިއަން ލީޓަރުގެ ޑީސަލް އަދި އަހަރަކު 125 މިލިއަން ރުފިޔާ ސަލާމަތްކުރެވޭނެކަމަށް އެ މިނިސްޓްރީއިން ބުނެފައިވެއެވެ. ތިރީގައި އެވަނީ މި ސިސްޓަމްތައް ބެހެއްޓުމަށް ހަމަޖެހިފައިވާ ރަށްތަކެވެ.
- ހދ. ހަނިމާދޫ 2000 ކިލޯވޮޓް އަވަރ
- ށ. މިލަންދޫ 2500 ކިލޯވޮޓް އަވަރ
- ނ. ހޮޅުދޫ 1500 ކިލޯވޮޓް އަވަރ
- ނ. މަނަދޫ 3000 ކިލޯވޮޓް އަވަރ
- ނ. ވެލިދޫ 3000 ކިލޯވޮޓް އަވަރ
- ރ. އަލިފުށި 2000 ކިލޯވޮޓް އަވަރ
- ރ. ހުޅުދުއްފާރު 1500 ކިލޯވޮޓް އަވަރ
- ބ. ދަރަވަންދޫ 2500 ކިލޯވޮޓް އަވަރ
- ބ. ތުޅާދޫ 3000 ކިލޯވޮތް އަވަރ
- މ. މުލައް 2000 ކިލޯވޮޓް އަވަރ
- މ. މުލި 2000 ކިލޯވޮޓް އަވަރ
- މ. ވޭވައް 500 ކިލޯވޮޓް އަވަރ
- މ. ރަތްމަންދޫ 500 ކިލޯވޮޓް އަވަރ
- ތ. ގުރައިދޫ 2500 ކިލޯވޮޓް އަވަރ
- ތ. ތިމަރަފުށި 3000 ކިލޯވޮޓް އަވަރ
- ގއ. މާމެންދޫ 1000 ކިލޯވޮޓް އަވަރ
- ގދ. ފަރެސްމާތޮޑާ 3000 ކިލޯވޮޓް އަވަރ
- ގދ. ގައްދޫ 2500 ކިލޯވޮޓް އަވަރ
މި ރަސްމިއްޔާތުގައި ދެއްކެވި ވާހަކަފުޅުގައި މިނިސްޓަރު ވިދާޅުވީ މި މަޝްރޫޢުގެ މައިގަނޑު މަޤްޞަދަކީ އިއާދަކުރަނިވި ހަކަތައިން އުފައްދާ ކަރަންޓް ބޭނުންކުރާ މިންވަރު އިތުރުކުރުންކަމަށާއި، ރައީސުލްޖުމުހޫރިއްޔާ ޑރ. މުޙައްމަދު މުޢިއްޒު ކަނޑައަޅުއްވާފައިވާ ލަނޑުދަނޑި، 2028 ވަނަ އަހަރުގެ ނިޔަލަށް ރާއްޖެއަށް ބޭނުންވާ ކަރަންޓުގެ 33 އިންސައްތަ އިއާދަކުރަނިވި ހަކަތައިން އުފައްދާ ކަރަންޓު ކަމުގައި ހެދުން ކަމަށެވެ.
މީގެ އިތުރުން މިނިސްޓަރު ވިދާޅުވީ، މި 38 މެގަވޮޓް އަވަރގެ ބެޓެރީ އެނަރޖީ ސްޓޯރޭޖް ސިސްޓަމް ބެހެއްޓުމުން މި ރަށްތަކުގައި އިތުރު ސޯލާ ޕީވީ ސިސްޓަމްތައް ގާއިމުކުރުމުން ގްރިޑް ސްޓެބިލައިޒް ކުރުމަށް މަގުފަހިކޮށްދިނުމާ އިތުރު ސޯލާ ޕީވީ ކެޕޭސިޓީ ވިއުގައަށް ގުޅުމަށް ފުރުޞަތު ފަހިވެގެން ދާނެ ކަމަށާއި، މަގޭ ސޯލަރ ޕްރޮގްރާމްގެ ދަށުންނާއި އަމިއްލަ ގޮތުން ގޭގޭގައާއި އިމާރާތްތަކުގެ ފުރާޅުގައި ސޯލަރ ޕީވީ ހަރުކުރުމަށްވެސް މަގުފަހިވެގެން ދާނެކަމަށެވެ.
