ފަހި ދިރިއުޅުން ކޯޕަރޭޝަން (އެފްޑީސީ) އިން ބިނާކޮށްފައިވާ އާ ފްލެޓްތަކަށް ބަދަލުވާ އާއިލާތަކަށް ލުއިފަސޭހަކޮށްދިނުމުގެ ގޮތުން، ދިރާގުން ހާއްސަ ޕްރޮމޯޝަނެއް ފަށައިފިއެވެ. މި ޕްރޮމޯޝަންގެ ދަށުން އެ ސަރަހައްދުގައި ދިރިއުޅޭ ފަރާތްތަކަށް ދިރާގު 5ޖީ ޓާބޯ ރައުޓަރެއް މުޅިން ހިލޭ ލިބޭނެއެވެ.
ދިރާގުން ބުނި ގޮތުގައި މި ހާއްސަ ފުރުސަތު ލިބޭނީ 749 ރުފިޔާއިން ފެށިގެން މަތީގެ "5ޖީ ޓާބޯ" ޕްލޭންތަކަށް އަލަށް ސަބްސްކްރައިބް ކުރާ ކަސްޓަމަރުންނަށެވެ. މިއީ އާ ގެއަކަށް ބަދަލުވާއިރު، އިންޓަނެޓް ގާއިމުކުރުމަށް ހިނގާ އިތުރު ހަރަދުތަކުން ކަސްޓަމަރުން ސަލާމަތްކޮށްދިނުމަށް ފެށި ހަރަކާތެކެވެ.
ފަސޭހަކަމާއެކު ހިދުމަތް ހޯދޭނެ ގޮތް
އެފްޑީސީ ފްލެޓްތަކުގައި ދިރިއުޅޭ ފަރާތްތަކަށް މި ހިދުމަތަށް އެދި ހުށަހެޅުމަށް ދިރާގުން ވަނީ ވަރަށް ބޮޑަށް ފަސޭހަކޮށްދީފައެވެ.
-
މައި ދިރާގު އެޕް: ކަސްޓަމަރުންނަށް އަމިއްލައަށް އެޕް މެދުވެރިކޮށް ހިދުމަތަށް އެދެވޭނެއެވެ.
-
ދިރާގު ޓެންޓުތައް: ކޮންމެ ދުވަހަކު ހަވީރު 4:00 އިން ރޭގަނޑު 8:00 އަށް އެފްޑީސީ ޓަވަރުތައް ހިމެނޭ ސަރަހައްދުގައި ދިރާގުގެ ޓީމުތަކުން ހަރަކާތްތެރިވާނެއެވެ.
ކީއްވެ 5ޖީ ޓާބޯ؟
ދިރާގު 5ޖީ ޓާބޯއަކީ އެއްވެސް ކޭބަލެއް ބޭނުންކުރުމަކާ ނުލައި، ރައުޓަރު ޕްލަގް ކޮށްލުމުން ވަގުތުން ބޭނުންކުރަން ފެށޭ ހިދުމަތެކެވެ. މިއީ ހައި-ސްޕީޑް އިންޓަނެޓް ބޭނުންވާ ގޭމް ކުޅޭ ފަރާތްތަކަށާއި، ގޭގައި ތިބެގެން އޮންލައިންކޮށް މަސައްކަތްކުރާ ފަރާތްތަކަށް އެންމެ އެކަށޭނެ ހައްލެވެ.
އާ ފްލެޓްތަކަށް ބަދަލުވާ ފަރާތްތަކަށް މި ލިބޭ ފުރުސަތުގެ ބޭނުން ހިފައި، އިތުރު ހަރަދަކާ ނުލައި ރާއްޖޭގެ އެންމެ ހަލުވި 5ޖީ ނެޓްވޯކާ ގުޅިލުމަށް ދިރާގުން ދައުވަތު އަރުވައެވެ.
