އެމެރިކާއިން އިރާނަށް އަސްކަރީ ހަމަލާއެއް ދީފާނެ ކަމުގެ އިޝާރާތެއް ދެއްވައި، އެފަދަ ފިޔަވަޅެއް އަޅާނެ ވަގުތު ކައިރިވަމުން އަންނަ ކަމަށް އެމެރިކާގެ ރައީސް ޑޮނަލްޑް ޓްރަމްޕް އިންޒާރު ދެއްވައިފި އެވެ.
ނޫސްވެރިންނާ ވާހަކަދައްކަވަމުން ޓްރަމްޕް ވިދާޅުވީ، އިރާނުގެ ނިއުކްލިއަރ ޕްރޮގްރާމާއި މެދުއިރުމަތީގައި އެ ގައުމުން ހިންގާ ހަރަކާތްތަކާ ގުޅިގެން އެމެރިކާއިން ބަލަން ނުތިބޭނެ ކަމަށާއި، ދިޕްލޮމެޓިކް މަގުން މައްސަލަތައް ހައްލުނުކުރެވިއްޖެ ނަމަ އަސްކަރީ ފިޔަވަޅު ބޭނުންކުރުމުގެ ފުރިހަމަ އިޚްތިޔާރު އެމެރިކާއަށް އޮތް ކަމަށެވެ.
މި ފަހަކަށް އައިސް ދެ ގައުމުގެ މެދުގައި މަސްރަހު ވަރަށް ބޮޑަށް ހޫނުވެފައިވާއިރު، އިރާނުން ދަނީ އެމެރިކާގެ އިންޒާރުތަކަށް ރައްދުދީ، އެ ގައުމުގެ ސިޔާދަތަށް އަރައިގަންނަ ކޮންމެ ފަދަ ހަމަލާއަކުން ދިފާއުވުމަށް ތައްޔާރަށް އޮތް ކަމަށް ބުނަމުންނެވެ.
މަޝްރަހު ދިރާސާކުރާ ފަރާތްތަކުން ފާހަގަކުރާ ގޮތުގައި، އެމެރިކާއިން އިރާނަށް އަސްކަރީ ހަމަލާއެއް ދީފިނަމަ މުޅި މެދުއިރުމަތީގެ ސަރަހައްދީ ސުލްހައަށް ބޮޑު ނުރައްކަލެއް ކުރިމަތިވެ، ދުނިޔޭގެ ތެލުގެ ބާޒާރަށާއި އިގްތިސާދަށް ބޮޑެތި ލޮޅުންތަކެއް އަންނާނެއެވެ.
