ވޭތުވެދިޔަ ހަފުތާގެ ތެރޭގައި ރާއްޖޭގެ އެކި ސަރަހައްދުތަކުގައި ހިނގި ކުއްލި ނުރައްކަލުގެ 19 ހާދިސާއަކަށް އެމްއެންޑީއެފް ފަޔަރ އެންޑް ރެސްކިޔު ސަރވިސްއިން ހަރަކާތްތެރިވެ، އެހީތެރިކަން ފޯރުކޮށްދީފިއެވެ.
މިއީ 11 އޮކްޓޫބަރު 2026 އިން 17 އޮކްޓޫބަރު 2026 އާ ހަމައަށް ހިނގާދިޔަ ހާދިސާތަކުގެ ތަފާސްހިސާބުތަކެވެ.
އެމްއެންޑީއެފް ފަޔަރ އެންޑް ރެސްކިޔު ސަރވިސްއިން އާންމުކޮށްފައިވާ ހަފުތާގެ ރިޕޯޓަށް ބަލާއިރު، އެންމެ ގިނައިން ރިޕޯޓުކޮށްފައިވަނީ އަލިފާނުގެ ހާދިސާތަކެވެ. އެގޮތުން އަލިފާނުގެ 06 ހާދިސާއަކާއި، ކުއްލި ނުރައްކަލުގެ (ޑިޒާސްޓަރ) 04 ހާދިސާއެއްގެ އިތުރުން، ސަލާމަތްކުރުމުގެ (ރެސްކިޔު) 03 ހާދިސާއެއް ހިމެނެއެވެ. މީގެއިތުރުން ނުރައްކާތެރި މާއްދާތަކާ ގުޅުންހުރި (ހެޒްމެޓް) 02 ހާދިސާއަކާއި، އަލާމާތްތަކާއި އެލާމްތަކާ ގުޅޭ (އެލާމްސް) 02 ހާދިސާއެއް، ބައްޔެއްގެ ސަބަބުން ނުވަތަ ކުއްލި ހާލަތެއްގައި މީހުން އުފުލުމުގެ (މެޑް އެވަކުއޭޝަން) 01 ހާދިސާ އަދި އެހެނިހެން 01 ހާދިސާއަކަށް ވަނީ އިޖާބަދީފައެވެ.
މި ހާދިސާތައް ހިނގާފައިވާ ސަރަހައްދުތަކަށް ބަލާއިރު، އެންމެ ގިނަ ހާދިސާ ރިޕޯޓުކޮށްފައިވަނީ މާލޭ އޭރިއާ ކޮމާންޑުންނެވެ. މާލޭ އޭރިއާ ކޮމާންޑް ސަރަހައްދުން 17 ހާދިސާއެއް ރިޕޯޓުކޮށްފައިވާއިރު، ސެންޓްރަލް އޭރިއާ ކޮމާންޑުން 01 ހާދިސާ އަދި ސަދަން އޭރިއާ ކޮމާންޑުން 01 ހާދިސާ ރިޕޯޓުކޮށްފައިވެއެވެ. ނޯދަން އޭރިއާ ކޮމާންޑް ސަރަހައްދުން މުއްދަތުގައި އެއްވެސް ހާދިސާއެއް ރިޕޯޓުކޮށްފައެއް ނުވެއެވެ.
އެމްއެންޑީއެފް ފަޔަރ އެންޑް ރެސްކިޔު ސަރވިސްއަކީ ރައްޔިތުންގެ މާލާއި ފުރާނަ ރައްކާތެރިކުރުމަށާއި، ކުއްލި ނުރައްކަލުގެ ހާލަތްތަކުގައި އެހީތެރިކަން ފޯރުކޮށްދިނުމަށް 24 ގަޑިއިރު މެދުކެނޑުމެއްނެތި ތައްޔާރީ ހާލަތުގައި ހަރަކާތްތެރިވަމުން އަންނަ ހިދުމަތެކެވެ.
