ދުބާއީން އިޒްރޭލަށް ދަތުރުކުރި ފްލައިދުބާއީގެ ފްލައިޓެއް ހައިޖެކްކޮށް ޓެރަރިސްޓް ހަމަލާއެއް ދޭން އުޅުނު ކަމުގެ ތުހުމަތުގައި ހިންގާ ތަހުގީގާ ގުޅިގެން، އެ އެއާލައިންގައި މަސައްކަތްކުރާ ދެ ދިވެހިން ޔުނައިޓެޑް އަރަބް އެމިރޭޓްސް (ޔޫއޭއީ) އިން ވަނީ ހިފަހައްޓާފައެވެ.
ސަރުކާރުގެ ތަރުޖަމާނު މުޙައްމަދު ހުސައިން ޝަރީފް (މުންދު) ވިދާޅުވި ގޮތުގައި، ޕައިލެޓުން ދިރިއުޅޭ އިމާރާތެއްގައި ތިބި އެ ދެ ދިވެހިން އިމާރާތުގެ ތެރޭގައި އެހެން މީހުންނާއެކު ބަންދުކޮށްފައިވީ ނަމަވެސް، އެ މީހުންނާއި މި ހާދިސާއާ އޮތް ގުޅުމެއް ނުވަތަ ކުރާ ތުހުމަތެއް އަދި ޔަގީންވެފައެއް ނުވެއެވެ. އަދި ދިވެހި ސަރުކާރުން ދަނީ ޔޫއޭއީ ސަރުކާރާ ގުޅިގެން އެ މީހުންނަށް ފޯރުކޮށްދޭންޖެހޭ އެހީތެރިކަން ފޯރުކޮށްދެމުންނެވެ.
މިދިޔަ ބުދަ ދުވަހު 174 ފަސިންޖަރުންނާއި 8 ކުރޫއިންނާއެކު ދަތުރުކުރި މި ފްލައިޓުން ހައިޖެކް ކޯޑު ފޮނުވައި، ކުއްލިއަކަށް ތިރިކުރުމަށްފަހު ވަނީ ސައުދީ އަރަބިއްޔާއަށް މިސްރާބު ބަދަލުކޮށްފައެވެ. ޔޫއޭއީއިން ބުނެފައިވަނީ މިއީ ބޯޓު ވައްޓާލަން ކޯޕައިލެޓް ދިން ޓެރަރިޒަމްގެ ހަމަލާއެއް ކަމަށެވެ.
