ވަޒީފާއާ ބެހޭ ޓްރައިބިއުނަލްގެ އިންޑަސްޓްރިއަލް ރިލޭޝަންސް ޑިވިޝަންގެ މެމްބަރުގެ މަގާމުގައި ހުންނެވި ފާތިމަތު ސައުސަން ކުއްލި ގޮތަކަށް ނިޔާވެއްޖެއެވެ. އޭނާ ނިޔާވެފައިވަނީ އިންޑިއާއަށް ބޭސްފަރުވާއަށް ގޮސް ހުއްޓާ މިއަދު ހެނދުނުގެ ވަގުތެއްގައެވެ.
މިކަން ހާމަކުރައްވައި ވަޒީފާއާ ބެހޭ ޓްރައިބިއުނަލްގެ ނައިބު ރައީސް އަހުމަދު މަމްދޫހު ކުރެއްވި ޕޯސްޓެއްގައި ވަނީ ސައުސަން ކުއްލި ގޮތަކަށް ނިޔާވި خبر ހިއްސާކުރައްވާފައެވެ. ސައުސަން ވަޒީފާއާ ބެހޭ ޓްރައިބިއުނަލްގެ މެމްބަރުކަމަށް އައްޔަންކުރެއްވީ 2024 ވަނަ އަހަރުގެ އޭޕްރީލް މަހުއެވެ.
ގާނޫނީ ވަކީލެއްގެ ގޮތުގައިވެސް ގިނަ ޚިދުމަތްތަކެއް ކުރައްވާފައިވާ ސައުސަން ނިޔާވުމާ ގުޅިގެން، ގާނޫނީ ދާއިރާގައި މަސައްކަތްކުރައްވާ ގިނަ ބޭފުޅުންނާއި އާންމުން ދަނީ ތައުޒިޔާ ފޮނުވަމުންނެވެ.
