ހުޅުމާލޭގެ އަމާން އުދަރެސް ފްލެޓްތަކުގެ ތެރެއިން ޓަވަރެއްގައި އަލިފާނުގެ ހާދިސާއެއް ހިނގައިފިއެވެ. މައުލޫމާތު ލިބިފައިވާ ގޮތުގައި މި އަލިފާނުގެ ހާދިސާ ހިނގާފައިވަނީ އަމާން އުދަރެސް 15 ވަނަ ޓަވަރުގެ ތިރީ ފަންގިފިލާގައެވެ.
ސޯޝަލް މީޑިއާގައި ދައުރުވަމުންދާ ވީޑިއޯތަކުން ފެންނަ ގޮތުގައި، އަލިފާން ރޯވުމާއެކު އެ ސަރަހައްދަށް ގިނަ އަދަދެއްގެ އާންމުން ވަނީ އެއްވެފައެވެ. އަދި އެ ސަރަހައްދުގައި ތިބި ބައެއް އާންމުން އިސްނަގައިގެން އަލިފާން ނިއްވާލުމަށް މަސައްކަތް ކުރަމުންދާ މަންޒަރުވެސް އާންމުވެފައިވާ ވީޑިއޯތަކުން ފެނެއެވެ.
މި ހާދިސާއާ ގުޅިގެން ކަންކަން ހިނގި ގޮތާއި، މީހަކަށް އަނިޔާއެއް ނުވަތަ ލިބުނު ގެއްލުމުގެ ތަފްސީލެއް އަދި ސާފެއް ނުވެއެވެ. އަދި މިކަމާ ގުޅޭގޮތުން އެމްއެންޑީއެފް ނުވަތަ ފުލުހުންގެ ރަސްމީ ބަހެއް އަދި ލިބޭގޮތެއް ނުވެއެވެ.
