ރާއްޖޭގެ ހާއްސަ އިގްތިސާދީ ސަރަހައްދުގައި ގާނޫނާ ހިލާފަށް ހަރަކާތްތެރިވަމުން ދިޔަ ބޭރުގެ މަސްބޯޓެއް، އެމްއެންޑީއެފް ކޯސްޓްގާޑުން ހިންގި ހާއްސަ އޮޕަރޭޝަނެއްގައި "ކޯސްޓްގާޑް ޝިޕް ޢިމާދުއްދީން" ގެ ބެލުމުގެ ދަށަށް ގެނެސްފިއެވެ.
7 މީހުންނާއެކު ހަރަކާތްތެރިވި މި ބޯޓު އަތުލައިގަތީ ހއ. ތުރާކުނުގެ ހުޅަނގުއުތުރުން 46 ނޯޓިކަލް މޭލު ބޭރުގައި އުޅެނިކޮށް، ސެޕްޓެންބަރު 30 ވަނަ ދުވަހުގެ ހަވީރު 18:34 ހާއިރުއެވެ.
އެމްއެންޑީއެފުން މަޢުލޫމާތު ދޭ ގޮތުގައި، ކޯސްޓްގާޑުގެ ބެލުމުގެ ދަށަށް ގެނެވުނު މި މަސްބޯޓު ހދ. ކުޅުދުއްފުށްޓަށް ގެންދިއުމުގެ މަސައްކަތް މިހާރު ދަނީ ކުރަމުންނެވެ.
